MATIUS 15:32 - KITAB NU TUMPU ALLA LELE MA'IMAI'

³² Lapas aijo' i Yesus nolaga anu saja' mombatuki Ia ka' notatae, “Aku molibos hi mian da'isan aijo'. Tolunsinaamo na kopinnyo aha nohingga-hinggat tiba aku, ka' uuka aha madi'mo ko kaanon. Aku madi' mongka'oho' mompojohok aha minsusule' mo'ohop dumo tolubuk i jalan.”

MATIUS 15:32 ပူးပေါင်းရင်းမြစ်များ

2 TOMU-TOMUNDO' 4:42

Daagi' mule' kino sinaa sangga'at, samian na mo'ane tinoka lengkat mae i Baal-Salisa. Ia nomboai mae i Elisa gandum anu sala'je pinadak ka' suele roti uwampulu' na batunyo, aijo'mo gandum anu momona pinadak i taun aijo' na binau. I Elisa nonsaimo posaihonnyo da mombagi-bagiakon roti aijo' hi nabi haha aijo',

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

MATIUS 14:13

Tempo'nyo i Yesus nohongo lele aijo', Ia sinumake' i duangan posi sausa'nyo ka' nompala'i tampat aijo', da mamba mokiijo' i tampat anu liing. Panyo salatan ihongo nu to mia-mian na han aijo', aha nompala'i kota-kota nu aha ka' namba nompayuntun i Yesus nontulu jalan katano'an.

MATIUS 15:33

Lantas anu saja' mombatuki Yesus nompokilawamo hi Ia, “Iyamae na kita timbali mohumpak kaanon i da'erah anu manintade aiya bau kapentingan nu mian ko da'isan aiya?”

MATIUS 20:34

I Yesus nolibos hi aha, lantas tiniiknyo na mata nu aha. Tempo'nyo aijo' pe'e aha timbalimo nontoa. Lantas aha nombatukimo Yesus.

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MATIUS 9:36

Tempo'nyo i Yesus nontoa mian da'isan aijo', ia nolibosmo hi aha, kalana aha ilingumo ka' madi'mo moko ala sumo domba anu madi'mo ko polaya'nyo.

MARKUS 9:22

“Toho'mo roh ma'idek aijo' nompagala mompatei ia mompohampu i apu kabai i uno nu uee. Panyo de kita Tuuma timbali montulungi, ku poita de timbali, kaase' kita Tuuma mongkalibosi kami ka' montulungi kami!”

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

SISIKON NU TO RASUL-RASUL 27:33

Tempo'nyo ma'isa pe'e binete' na sinaa, i Paulus nompoto'imo da aha iwi-iwi' mongkaanmo. I Paulus notatae, “Sampulu'mo ka' opat na sinaa na kopinnyo kita Utus iwi-iwi' ola saja' jinojoong i uno nu buhuk, ka' madi' nongkaan apa-apaa.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.