MATIUS 15:2 - KITAB NU TUMPU ALLA LELE MA'IMAI'

² “Kadaka' anu saja' mombatuki Belento molanggai to ada-adat nu mompolee'to? De mongkaanmo, aha madi' mombaso'i lima imoonanyo mombatuki atulan!”

MATIUS 15:2 ပူးပေါင်းရင်းမြစ်များ

KAJADIAN 1:14

Lapas aijo' Tumpu notatae mule', “Tionyo ahi' daagi' ko to bala-balang majingka aita' i langit da monjingkai tano', da mongga'at sinaa ka' malom, ka' da momponyata' tempo'nyomo pontampu'unian sinaa, taun, ka' sinaa lamean nu agama”. Sahingga han aijo' tinimbalimo.

ESTER 3:3

Anu ko pangkatnyo sangga'at i laigan nu tomundo nompo kilawamo hi ia, kadaka' ia madi' montuluti palentah i tomundo,

MATIUS 15:3

I Yesus nontaami, “Ka' kadaka' komiu suele molanggai palentah nu Tumpu, ola kalana mongka'oho' mombatuki to ada-adat nu mompolee' miu?

MARKUS 7:2

Aha nontoa to pia-piangkuka na anu saja' mombatuki Yesus mongkaan nu lima anu madi' belesi' susumo koonyo nu agama, aijo'mo de ma'isa pe'e obaso'i na lima susumo koonyo nu atulan nu agama.

MARKUS 7:5

Kalana aijo' to mia-mian nu Farisi ka' to gulu-gulu' agama aijo' nompokilawa hi Yesus, “Kadaka' anu saja' mombatuki Beleyum aijo' mongkaan nu lima anu madi' obaso'i? Apaa na sababnyo aha madi' mombatuki adat nu mompolee'to?”

LUKAS 11:38

Mian nu Farisi aijo' binangang na nontoa i Yesus nongkaan madi' nombaso'i pe'e limanyo susumo atulan nu agama.

GALATIA 1:14

I uno nu han mompojalan agama Yahudi manjoo' na mian nu Yahudi anu pokakana na umun tiba aku, aku na lebe monsumbu'. Ku palahatikan hondo na hahan mongkona to ada-adat nu mompolee' mami.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',