MATIUS 15:14 - KITAB NU TUMPU ALLA LELE MA'IMAI'

¹⁴ Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

MATIUS 15:14 ပူးပေါင်းရင်းမြစ်များ

YESAYA 31:3

Aha mian nu Mesir ola mian misa' Tumpu. Ajahan nu aha ola binatang biasa, misa' sumo pikilan nu Tumpu. De Tumpu mombaumo anu nu bau bansa, anu nontulungimo aijo' tosumpunmo ka' mule' bansa anu nu tulungi aijo' tondahapamo. Sahingga aha ohu-ohua' aijo' silakamo.

YESAYA 42:19

Ihe na anu lebe mapisok molingkudui Israel posaihon-Ku? Ihe na lebe mabongon molingkudui anu sinaing-Ku mompotoka potuunon-Ku.

YESAYA 56:10

Koonyo nu Tumpu, “To pola-polaya' nu bansang-Ku atina'mo na to mia-mian anu mapisok! Aha madi' monsumbu' apa-apaa. Aha susumo dedeng anu momo' anu madi' mohu'akon panyo ola ahi' hoyot ka' mongipi. Sanang hondo na aha hoyot!

YESAYA 9:16

Bansa aijo' madi'mo pinalesaya hi Tumpu ka' mule' palalente, ka' iwi-iwi' na potatae nu aha madi'mo na'ima'. Kalana aijo' aha to oli-olitau mau pe'e samian madi' ko anu pinoluput nu Tumpu. Ia madi'mo nongkalibosi to balu-balu tiba anu madi'mo ko tuumanyo ka' tinanyo. Panyo Tumpu daagi' ahi' sabole-boleh motambuha' ka' sabole-boleh mohukum.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

HOSEA 4:17

Mian nu Israel talalomo hondo tinoongan nu pilogot. Kalana aijo' pojohokmo na aha.

MALEAKHI 2:8

Panyo uuka aiya belemiu to ima-imam noselemo madi' nontulu jalan anu sahondo-hondonyo. Iwi-iwi na pangajalan nu belemiu nonsaduakonmo da'isan na mian sahingga nombaumo kasala'an. Belemiu nongideimo palajanjian anu binaung-Kumo tiba belemiu.

LUKAS 6:39

Lapas aijo', i Yesus nonsisikakonmo kantuang hi aha sumo uuka, “De mian mapisok montaka' mian mapisok sangga'at, tantu ua-ua'aha manabu' i uno nu bolo'.

YOHANES 9:39

I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

2 PETRUS 2:17

To gulu-gulu' anu madi' totu'u aijo' sumo mata nu uee anu noti'imo ka' sumo sehu' anu pinuuhakonmo nu antong. Pinotoukamo nu Tumpu na tampat sa'angu' ponguna'an aha anu talalo hondo pikat.

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.