MATIUS 15:11 - KITAB NU TUMPU ALLA LELE MA'IMAI'

¹¹ Anu minsoop i nganga' madi' mombau da mian aijo' mahumimi'; ola ahi' anu mosabat lengkat i nganga'nyo, aijo'mo na anu mompotimbali ia mahumimi'.”

MATIUS 15:11 ပူးပေါင်းရင်းမြစ်များ

MAZMUR 10:7

Ia ola saja' montotobi'akon, montambuha'i ka' mule' mongakali, potataenyo ola saja' mongka'ideki ka' anu toto ide-idek na otaeakon.

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

MATIUS 15:10

Lapas aijo' i Yesus nolaga to mia-mian ka' notatae hi aha, “Hongo da mangalati'!

MATIUS 15:12

Lantas anu saja' mombatuki Yesus tinoka ka' notatae hi Ia, “Osumbu'mo nu Kita Tuuma saba' to mia-mian nu Farisi aijo' ingise'-ise'mo, tempo'nyo nohongo Kita Tuuma notatae sumo aijo'?”

MARKUS 7:15

Madi' ko anu lengkat mae i sambiha'nyo na minsoop i uno nu mian sahingga mombau mian aijo' pahengas. Sumo aitu mule', anu mosabat lengkat hi toto samian, aijo'mo na anu mombau ia pahengas. [

ROMA 14:14

Kalana aku nosa'angu'mo tiba i Tumpu Yesus, sahingga ku palesaya hondo taalu' madi' ko apa-apaa na anu sabenannyo mahenyu; panyo han aijo' mahenyu hi toto samian de mian aijo' monsangka mahenyu.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 14:20

Boli ola kalana kaanon, kita Utus mongideimo apaa na anu binaumo nu Tumpu. Iwi-iwi na kaanon memang halala' okaan; panyo de apaa na anu okaan nu kita Utus monsaduakon mian sangga'at baladosa', tantu kita Utus sala'mo.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.