MATIUS 14:8 - KITAB NU TUMPU ALLA LELE MA'IMAI'

⁸ Kalana sinale'anmo nu tinanyo, langkoyang aijo' notataemo, “Kupoita ubak i Yohanes anu saja' Mompalamandikan obee'akon mae hi belengku uuka aiya ka' osake' mae i dulang!”

MATIUS 14:8 ပူးပေါင်းရင်းမြစ်များ

1 TOMU-TOMUNDO' 18:13

Uugat belento Tuuma ma'isa nohongo lele tempo'nyo i Izebel nompatei to nabi-nabi nu Tumpu, akumo aiya na nomposuluk 100 na aha i uno nu liang – 50 na mian i sa'angu' na liang, ka' nombee'i aha anu o kaan ka' anu o inum?

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

2 TOMU-TOMUNDO' 11:1

Salatan sinumbu'mo i Atalya na i Tomundo' Ahazia, anaknyo sinilakamo, ia nompalentahmo da iwi-iwi' na aha sa'anakan i Ahazia opateimo.

EZRA 1:9

Aiyamo na daputannyo: mangko' mosoni' 30 na angu'annyo anu opake de monsombahkonmo apa-apaa hi Tumpu, mangko' salaka 1.000 na angu'annyo anu opake monsombahkon apa-apaa hi Tumpu, mangko' sangga'at 29 na angu'annyo, mangko' toto ise-ise' mosoni' na binau 30 na angu'annyo, mangko' toto ise-ise' salaka na binau 410 na angu'annyo, pakakas sangga'at 1.000 na angu'annyo.

AMSAL 1:16

Aha madi' moko ala momohokot de ma'isa mombau anu ma'idek. Aha ko tanga'an da sampamo mompatei.

AMSAL 29:10

Mian anu madi'tageo' na kinyonyoanyo nuka'ideki nu mian anu ka'oho mompatei, panyo nusangaja'i nu mian anu manonong.

MATIUS 14:11

Lapas aitu ubak i Yohanes binoa pinotimpas i dulang, ka' binee' hi langkoyang aijo'. Lantas langkoyang aijo' nomboa mule' hi tinanyo.

MATIUS 14:7

sahingga i Herodes binajanji' hi ia tiba sumpa', koonyo apaa na anu nu poita obee'je hi ia.

MATIUS 14:9

Nohongo poitaon aitu, i Herodes nolibosmo hondo. Panyo kalana ia binasumpa'mo i ahop nu mian anu pinasonyo toka i lameannyo, ia nompalentahkonmo da poitaon nu langkoyang aijo' opo daagi'.

MARKUS 6:24

Sahingga langkoyang aijo' nosabat ka' nompokilawa hi tinanyo, “Kita tina, apaa na anu ma'ima', anu tionyo ku poita?” Tinanyo nontaami, “Poitamo na ubak i Yohanes anu Mompalamandikan.”

MARKUS 6:25

Langkoyang aijo' nalia-lia' ninsusule' hi Herodes ka' notatae, “Ku poita ubak i Yohanes anu Mompalamandikan obee' akon mae uuka aiya hi belengku, o sake', i sa'angu' na dulang!”

MARKUS 6:28

Lapas aijo' nomboa ubak aijo' sinake' i dulang ka' pinotalimanyo hi langkoyang aijo'. Ka' langkoyang aijo' nombee' mule' hi tinanyo.