MATIUS 14:6 - KITAB NU TUMPU ALLA LELE MA'IMAI'

⁶ Tempo'nyo i Herodes molame'akon sinaa ka' taun kinahampeannyo, anak boune i Herodias nanari i ahop nu mian da'isan. Ia nanari talalo nomposanang kinyonyoa i Herodes,

MATIUS 14:6 ပူးပေါင်းရင်းမြစ်များ

KAJADIAN 40:20

Tinoka tolun sinaa, kakona sinaa kinahampean i tomundo, ia nombaumo bau-bauon anu daka' hondo ka' nolagamo iwi-iwi' na anu ko pangkatnyo. Ia nompalentahkon da anu mongkalesang inumon ka' anu mongkalesang roti, osabatakon mae i talungku' ka' oboa mae hi ahop nu aha iwi-iwi' anu ko pangkatnyo i laigan nu tomundo.

ESTER 2:18

Ilapas na aijo' i tomundo nombau mo bau-bauon anu daka' hondo salaku bau pompopodaka'nyo i Ester ka' nolaga tinaangnyomo na to mia-mian anu pangkat mokalaja ko hi ia ka' to pega-pegawenyo. Binebakonnyomo na sinaa anu madi'mo timbali mokalaja hi songko-songko na kalaja'an ka' nombagi-bagiakonmo palasen manjoo' hondo.

MATIUS 14:3

Kalana toho'mo i Herodes nompokau da i hakop na i Yohanes, ka'pinungu na ia ka' pinosoop i uno nu talungku'. I Herodes nombau sumo aitu, kalana han i Herodias bengkele' nu utusnyo, aijo'mo i Filipus.

MATIUS 14:7

sahingga i Herodes binajanji' hi ia tiba sumpa', koonyo apaa na anu nu poita obee'je hi ia.

MATIUS 22:24

“Kita Tuumangku Gulu',” koonyo nu aha “I Musa nongajanakon sumo uuka: De samian na mo'ane mate, ka' ia madi' ko anak, utusnyo tionyo mo'osoa tiba balunyo da mombee'i lee' hi mian anu natemo aijo'.

MARKUS 6:14

To lele-lele anu mongkona iwi-iwi' na kajadian aijo' tinoka hi Tomundo Herodes, kalana sanggo i Yesus sinumbu'mo iyayamae. Daagi' ko mian anu notatae, “I Yohanes anu Mompalamandikan po'ule'mo tinumuu'! Aijo'mo na sababnyo Ia ko kuasa mombau anu okabangangi aijo'.”

MARKUS 6:17

Kalana ma'isa pe'e jinadi na aijo' i Herodes nonsaimo mian mohakop i Yohanes, ka' nomposoop i uno nu talungku'. I Herodes nombau aijo' kalana han i Herodias, bengkele' nu utusnyo aijo'mo i Filipus. Kalana i Herodes nongosoaimo i Herodias,

MARKUS 6:19

Aijo'mo na sababnyo i Herodias monguna', i kinyonyoa ka'idekan hi Yohanes ka' kahanda' mompatei i Yohanes, panyo ia madi' moko bau han aijo', kalana nu polewo-lewot i Herodes.

MARKUS 8:15

“Obala-bala'ingati na ragi nu to mia-mian Farisi ka' ragi i Herodes,” koo-Nyo i Yesus hi aha.

LUKAS 13:31

I sinaa aitu mule', daagi' ko to pia-piangkuka na mian nu Farisi tinoka hi Yesus ka' notatae, “Boli jojoong i aiya! Lako'mo i tampat sangga'at, kalana i Herodes moniatmo mompatei Beleyum.”

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 23:7

Salatan pinoto'i, taalu' i Yesus lengkat mae i da'erah anu nu kuasai Herodes, sinai i Pilatus na aha momboa i Yesus hi Herodes, anu tempo'nyo aitu ia kiijo' suele i Yerusalem.

LUKAS 3:1

I Taun sampulu'mo ka' olima' ko na i Tomundo Tiberius nompalentah, i Pontius Pilatus tinimbalimo gubernur i Yudea, ka' i Herodes nompalentahmo i Galilea. I Filipus, utus i Herodes nompalentahmo i da'erah Iturea tiba Trakhonitis, sadang i Lisanias nompalentahmo i Abilene.

LUKAS 3:19

Panyo i Herodes anu mongkuasai Galilea pinokinde'an i Yohanes mongkona po'osoan-Nyo tiba i Herodias bengkele' nu utusnyo, ka' mongkona iwi-iwi' na kalakuan ma'idek sangga'at anu binaunyomo.

LUKAS 8:3

singkona i Yohana bengkele' i Khuza, anu ko kalaja i laigan daka' hi Herodes; i Susana, ka' manjoo' mule' na boune sangga'at. Posi ongkos nu aha na montulungi Yesus ka' anu saja' mombatuki Ia.

SISIKON NU TO RASUL-RASUL 12:1

I tempo'mo aitu na i Tomundo Herodes lewa'mo nonsansala to jama-jama'at mian Kristen.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.