MATIUS 14:5 - KITAB NU TUMPU ALLA LELE MA'IMAI'

⁵ Sabenannyo i Herodes mongka'oho' mompatei i Yohanes, panyo ia mabuhuk hi to mia-mian, kalana aha monsangka i Yohanes nabi.

MATIUS 14:5 ပူးပေါင်းရင်းမြစ်များ

YEREMIA 26:21

Salatan i Tomundo' Yoyakim tiba to sulu-suludadu anu toto tangka-tangkas na pangkatnyo ka' mule' to mia-mian anu tota tangkas-tangkas na pangkatnyo i pamalentahan nohongomo anu tinaloakon i Uria, i tomundo' kinogau'mo da opateimo na ia. Panyo salatan ihongomo i Uria na han aijo' ia nabuhukmo ka' nopalaimo namba i Mesir.

MATIUS 11:9

Jadi, kadaka' komiu namba i padang bolaa? Da montoa samian na nabi? Totu'unyo, aitu pe'e molingkudui samian na nabi.

MATIUS 21:26

Panyo de o taeakonto, ‘Tiba hak nu mian,’ kita mabuhuk hi mian da'isan, kalana aha iwi-iwi' monsangka i Yohanes samian na nabi.”

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

LUKAS 20:6

Panyo de otaloakonto, ‘Mian na nombee'i hak,’ iwi-iwi' na mian mompahambunu'akon mae nu batu kita, kalana nu palesaya nu aha na i Yohanes samian na nabi.”

SISIKON NU TO RASUL-RASUL 4:21

To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

SISIKON NU TO RASUL-RASUL 5:26

Jadi suludadu anu monjagai Laigan nu Tumpu aijo' tiba to sanga-sangalunyo namba po'ule' nongala to rasul-rasul haha aijo'. Panyo aha madi' nontambuha'i, sabab aha mabuhuk hi mian da'isan; dumo saidi' mae mian da'isan aijo' mompahambunu'akon aha nu batu.