MATIUS 14:29 - KITAB NU TUMPU ALLA LELE MA'IMAI'

²⁹ “Toka mae,” Tinaaman i Yesus. Jadi i Petrus i lumobos lengkat i duangan, ka' i lumajang i bawo nu uee, ka' tinoka hi Yesus.

MATIUS 14:29 ပူးပေါင်းရင်းမြစ်များ

MATIUS 14:28

Lantas i Petrus notatae, “De Beleyum totu'u i Yesus, saimae na aku lumajang i bawo nu uee.”

MATIUS 14:30

Panyo salatan i Yesus nontoa, palias na kinodaka'nyo na baleba' i dowiwi aijo', ia nabuhukmo ka' nontampu'unimo tinonu'. “Tumpu, tulung!” ia noloboo'.

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

MARKUS 9:23

“Apaa na kooyum? De Kita Tuuma moko ala?” tinaaman i Yesus. “Mau apaa o poko ala, asan mian palesaya!”

LUKAS 17:6

Tumpu nontaami, “De komiu ko palesaya anu totu-totu'u sumo batu nu sasawi, komiu timbali motatae hi kau' murbei aiya, ‘Tonggaut na oko ka' tumuu' i ambai,’ tantu kau' aiya mombatuki palentaum.”

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

ROMA 4:19

I Abraham tempo'nyo aitu monsumbu' ia madi'mo tantu daagi' mohumpak bija', kalana butongnyo talalomo notu'a ka' umunnyo ohanimo sa'atu na taun; i Sara mule' bengkele'nyo aijo', lengke'. Panyo palesaya totu-totu'u i Abraham madi' toho' maga'a.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.