MATIUS 14:27 - KITAB NU TUMPU ALLA LELE MA'IMAI'

²⁷ Panyo i Yesus lau-laus nontaami, “Potanang! Aku i Yesus. Boli mabuhuk!”

MATIUS 14:27 ပူးပေါင်းရင်းမြစ်များ

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 41:4

Ihe na nombaumo iwi-iwi' aijo'? Ihe na nontantukanmo da kinosisikonnyo? Aku, Tumpu, Akumo na anu momona, ka' tataap sabole-boleh daagi' sampe imihinyo mae.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

MATIUS 14:28

Lantas i Petrus notatae, “De Beleyum totu'u i Yesus, saimae na aku lumajang i bawo nu uee.”

MATIUS 17:7

Panyo i Yesus tinoka ka' nohenggo aha. “Pobulamo”, koo-Nyo, “boli mabuhuk!”

MATIUS 28:10

“Boli mabuhuk,” koonyo i Yesus hi aha, “Lako' poto'iakon hi to utu-utus-Ku da aha mamba mokiijo' i Galilea; i kiijo' mae aha montoaje Aku.”

MATIUS 28:5

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'.

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

MARKUS 6:50

sahingga aha i lakat nu kabuhukan. Kalana aha iwi-iwi' nontoa Ia, ka' aha tinolokengkeng hondo. Panyo i Yesus lau-laus notatae hi aha, “Tendamo! Aku i Yesus. Boli mabuhuk!”

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 1:30

Lantas malaikat aijo' notatae hi belenyo, “Boli mabuhuk, Maria, kalana beleyum nusetujui nu kinyonyoa nu Tumpu.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

LUKAS 5:10

Sumo aitumo mule' na to sanga-sangalu i Simon, aijo'mo i Yakobus ka' i Yohanes, to ana-anak i Zebedeus. I Yesus notatae hi Simon, “Boli mabuhuk! Mulai uuka, beleyum timbalimo pombuani' mian.”

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 6:20

Panyo i Yesus notatae hi aha, “Boli mabuhuk, Aku na aiya!”

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”