MATIUS 14:25 - KITAB NU TUMPU ALLA LELE MA'IMAI'

²⁵ Ohanimo jam totolu' ka' jam anomo subu, i Yesus tinokamo hi aha i lumajang i bawo nu uee.

MATIUS 14:25 ပူးပေါင်းရင်းမြစ်များ

AYUB 9:8

Binokanyo nalanga aita' madi' ko anu nontulungi; pinahampeja'akon-Nyo na hiku nu molokoimbu.

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MATIUS 24:43

O inau' na aiya! De tumpu nu laigan monsumbu' jam sangkuka pihi na anu montomang toka, ia madi' timbali hoyot, da anu montomang aijo' madi' minsoop i laigannyo.

MARKUS 13:35

Kalana aijo' komiu tionyo balajaga-jaga, kalana komiu madi' monsumbu' hipian nu tumpu nu laigan aijo' po'ule' mae minsusule' – ugaat ohanimo malom, tonga' pahu, ugaat daagi' subuh, kabai ugaat bete'mo na sinaa.

MARKUS 6:48

Ia nontoa aha susa' hondo na mombose duangan aijo' kalana baleba' lengkat i ahop nu duangan. Kalana aijo' kila-kila i olot nu jam totolu' ka' jam anom subu-subu, Ia tinoka hi aha ilumajang i bawo nu uee. Ka' Ia ilumajang lau-laus susumo anu moliu-liumo aha.

LUKAS 12:38

Palias na kinodale'nyo na posaihon haha aijo', de tuan nu aha aijo' montokai aha hau-haunyo sasadia montanda'i, mau mule' ia toka tonga' pahuumo kabai talalomo pinin!

YOHANES 6:19

Tonga-tonga'mo aha talabut kila-kila olima' kabai anommo na kilometen, aha nontoamo i Yesus monsolok mae duangan lumajang i bawo nu uee. Aha nabuhukmo hondo.

ANU PINOTO'I HI YOHANES 10:2

I limanyo daagi' ko sa'angu' na lulunan nu kitab ise' anu tinabuka'mo. Tengkenyo koanan peja-peja' i ambai, ka' tengkenyo kowi peja-peja' i katano'an.

ANU PINOTO'I HI YOHANES 10:5

Lantas malaikat anu tinoangku nanimpeja' i ambai ka' i katano'an aijo' nohangkat limanyo koanan nokiita' i langit.

ANU PINOTO'I HI YOHANES 10:8

Lapas aijo' potatae anu i hongongku lengkat mae i suluga' aijo', notatae mule' hi belengku. Ia notatae, “Lako'mo ala na lulunan nu kitab anu tinabuka'mo i lima nu malaikat anu peja-peja' i ambai ka' i katano'an aijo'.”