MATIUS 14:19 - KITAB NU TUMPU ALLA LELE MA'IMAI'

¹⁹ Lapas aitu Ia nonsai mian da'isan aijo' da sumuhang i hemput. Lantas Ia nongala olima' na roti ka' ohua' na ikan, ka' nonsinda langit ka' nompoita balakat hi Tumpu. Lapas aijo' Ia nompuge-puge roti aijo' nu lima-Nyo ka' nombee' hi anu saja' mombatuki Ia da obagi-bagiakon hi mian da'isan aijo'.

MATIUS 14:19 ပူးပေါင်းရင်းမြစ်များ

MATIUS 14:18

“Boa mae na aijo',” koonyo i Yesus.

MARKUS 6:39

Lantas i Yesus nonsai iwi-iwi' na mian aijo' sumuhang toto sanggombu i bombong anu molumba'.

MARKUS 6:41

Lapas aijo' i Yesus nongala olima' na roti ka' ohua' na ikan aijo' ka' tinihanga'nyo na langit ka' nontaeakon talima kaseh hi Tumpu. Ilapas aijo' biniha-biha'-Nyo na roti aijo' nu lima-Nyo ka' nombee' hi anu saja' mombatuki Ia, da obagi-bagiakon hi mian da'isan aijo'. Ka' ohua' na ikan aijo' binagi-baginyo mule' hi aha iwi-iwi'.

MARKUS 7:34

Lapas aijo' i Yesus nontihanga langit, lantas tinolo usa hoso-hoson ka' notatae hi mian aijo', “Efata”, anu alati'nyo, “Tinabuka'mo!”

LUKAS 22:17

Lapas aijo' i Yesus nohangkatmo mangko' nu anggur, lantas nontaloakonmo do'a talima kase hi Tumpu, lantas notatae, “Ala na aiya ka' bagi-bagiakon;

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

LUKAS 24:30

Tempo'nyo suha-suhang mongkaan tiba aha, i Yesus nongala roti, nontalima kaseh hi Tumpu, nompuge-puge roti aijo' nu limanyo, lantas nombee' hi aha.

LUKAS 9:14

Daagi' kila-kila olima' na madala na to momo'ane i kiijo'.) I Yesus notatae hi anu saja' mombatuki ia, “Pokau na to mia-mian aiya sumuhang mogombu-gombu, kila-kila limampulu' na mian sanggombu.”

LUKAS 9:16

Lantas i Yesus nongala olima' na roti ka' uwambatu na ikan aijo', lapas aitu nonsinda langit ka' nontaloakon talima kaseh hi Tumpu. Lapas aitu Ia nompuge-puge roti ka' ikan aijo' nu lima-Nyo, ka' binee'nyo hi anu saja' mombatuki Ia da obagi-bagiakon hi mian da'isan aijo'.

YOHANES 11:41

Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

YOHANES 6:23

Lapas aijo' daagi' ko to pia-piangkuka na duangan lengkat mae i kota Tiberias tinoka nadaduak koko tampat nu mian da'isan aijo' nongkaan roti salatan ilapas na Tumpu nompoita talima kaseh.

SISIKON NU TO RASUL-RASUL 27:35

Noko potatae sumo aitu, i Paulus nongala roti aijo' lantas nontalima kase hi Tumpu i ahop nu aha iwi-iwi'. Lapas aijo' ia nombagi-bagimo roti aijo', lantas kinaanmo nu aha.

ROMA 14:6

Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

1 KORINTUS 10:16

Tempo'nyo kita monginum anggur, kita montalima kaseh hi Tumpu, te misa' aijo' mompotiju' saba' kita nosa'angu'mo tiba i Kristus i uno nu han Ia sinilaka? Ka' tempo'nyo kita mombagi-bagiakon roti da okaan hingga-hinggat, te misa' aijo' mompotiju' saba' kita nosa'angu'mo tiba butong i Kristus?

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 KORINTUS 11:24

ka' noko taloakon na Ia talima kaseh hi Tumpu mongkona roti aijo', pinuge-puge-Nyomo na roti aijo' nu lima-Nyo, ka' notatae, “Aiyamo na butong-Ku anu binee'mo kalana komiu. Bau na aiya salaku ponginau' Aku.”

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.