MATIUS 13:8 - KITAB NU TUMPU ALLA LELE MA'IMAI'

⁸ Panyo daagi' mule' ko bine' anu nanabu' i tano' anu molumba', lantas nimbua'; daagi' ko anu sa'atu, daagi' ko anu anom pulu', ka' daagi' ko anu lipat tolumpulu'.”

MATIUS 13:8 ပူးပေါင်းရင်းမြစ်များ

KAJADIAN 26:12

I Ishak nonsaumo bine' nombaumo ale' i lipu' aijo', ka' i taun aijo' nohumpak hasinnyo i lipat pininsa'atu na nolingkudui anu sinaunyo, kalana binalakatanmo nu Tumpu na ia.

MATIUS 13:23

Ka' bine' anu nanabu' i tano' anu molumba', sumomo to mia-mian anu mohongo lele aijo' ka' mangalati'. Aha mimbua' manjoo', daagi' ko anu sa'atu, daagi' ko anu anom pulu', ka' daagi' ko anu tolumpulu' lipat na hasinnyo.”

MATIUS 13:7

Daagi' mule' ko bine' anu nanabu' i totonga' nu tano' anu sompiniton. Sompinit anu hii'on aijo' tumuu' ka' mongepet anu sala'je tumuu' aijo' sampe ia mate.

MARKUS 4:20

Ka' bine' anu nanabu' i tano' anu ma'omuk aijo', sumomo to mia-mian anu mohongo lele aijo' ka' tinalimanyo, aha mimbua' manjoo', daagi' ko anu tolum pulu', daagi' ko anu anom pulu', ka' daagi' ko anu pinsa'atu lipat na hasinnyo.”

MARKUS 4:8

Panyo daagi' mule' ko bine' anu manabu' i tano' anu ma'omuk. Bine' aijo' tumuu', lantas timbali daka' lantas mimbua', daagi' ko anu tolum pulu', daagi' ko anu anom pulu', ka' daagi' mule' ko anu pinsa'atu lipat.”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

LUKAS 8:8

Panyo daagi' ahi' ko bine' anu nanabu' i tano' anu ma'omuk, lantas tinumuu' mohasinakon bua'nyo pininsa'atu lipat.” Lapas nonsisik kantuangan aijo', i Yesus notataemo, “De ko bihing, hongo!”

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

ROMA 7:18

Kusumbu' madi' ko sa'angu' pe'e na anu ma'ima' i butongku; aijo'mo sipatku salaku mian. Kalana daagi' ko indi hi belengku mombau anu ma'ima', panyo aku madi' moko ala mombau.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.