MATIUS 13:57 - KITAB NU TUMPU ALLA LELE MA'IMAI'

⁵⁷ Sahingga aha madi' nontalima i Yesus. Lantas i Yesus notatae hi aha, “Samian na nabi o adati iyayamae, panyo posi i kampungnyo ka' i laigannyo, madi' o adati.”

MATIUS 13:57 ပူးပေါင်းရင်းမြစ်များ

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YESAYA 8:14

Kalana Aku susi' hondo, Aku baumo sabab batu tosumpunan nu aha mian da'isan Yehuda ka' Israel ka' timbalimo so'o anu mohakopmo mian anu jojoong i Yerusalem.

MATIUS 11:6

Kopi-kopian na mian anu madi' mombahakon tiba monsalakon Aku!”

MATIUS 13:58

Kalana aijo' i Yesus madi' nombau manjoo' na anu oka'ambangi i kiijo', kalana aha madi' palesaya.

MARKUS 6:1

Lengkat i tampat aijo', i Yesus ninsusule' nohingga-hinggat tiba anu saja' mombatuki Ia, mokiijo' i posi kampungnyo.

MARKUS 6:14

To lele-lele anu mongkona iwi-iwi' na kajadian aijo' tinoka hi Tomundo Herodes, kalana sanggo i Yesus sinumbu'mo iyayamae. Daagi' ko mian anu notatae, “I Yohanes anu Mompalamandikan po'ule'mo tinumuu'! Aijo'mo na sababnyo Ia ko kuasa mombau anu okabangangi aijo'.”

MARKUS 6:3

Te misa' Ia aiya tukang anu saja' mombau pakakas nu laigan, Anak i Maria, ka' utus i Yakobus, i Yoses, i Yudas ka' i Simon? Memang to utu-utus-Nyo boune pe'e jojoong i aiya suele.” Kalana aijo' aha madi' nontalima Ia.

MARKUS 6:4

Lantas i Yesus notatae hi aha, “Samian na nabi o adati iyayamae, sambiha'nyo i posi kampungnyo, ka' hi aha to utu-utusnyo ka' sampoto utusannyo mae”.

LUKAS 4:24

Tinuangan i Yesus, “O inau', madi' ko nabi anu o adati i posi kampungnyo.

LUKAS 7:23

Kopi-kopian na mian anu madi' ko kabalatan mongka'ideki Aku.”

YOHANES 4:44

Posi i Yesus nontaloakonmo, “Samian na nabi madi' o'adati i posi kampungnyo.”

YOHANES 6:42

Aha notatae, “Te misa' aiya i Yesus, anak i Yusuf? Osumbu' mami na tina ka' tuuma-Nyo! Te mosia ka' Ia timbali motatae tukoonyo, Ia nintatau' mae lengkat i suluga'?”

YOHANES 6:61

Nusumbu' i Yesus na anu saja' mombatuki Ia mososon mongkona han aijo'. Sahingga Ia notatae, “Te komiu mongkakulangakonmo potataengku aijo'?