MATIUS 13:5 - KITAB NU TUMPU ALLA LELE MA'IMAI'

⁵ Daagi' ko anu nanabu' i tampat anu ko batunyo, anu tano'nyo sangkiding. Bine' haha aijo' malia' na tumuu' kalana tano'nyo sangkiding.

MATIUS 13:5 ပူးပေါင်းရင်းမြစ်များ

YEHEZKIEL 11:19

Aha Ku bee'ije kinyonyoa anu sangalasan ka' mule' pikilan anu sangalasan, madi'mo pokakana sumo anu ihikuhakonmo. Kinyonyoa nu aha anu nokuutmo susumo batu Ku alamo ka' Ku bolosimo nu kinyonyoa anu tulu-tulutan hi beleng-Ku.

YEHEZKIEL 36:26

Jadi belemiu Ku bee'imo kinyonyoa anu bu'ou ka' mule' pikilan anu bu'ou. Kinyonyoa nu beleyum anu nokutmo susumo batu aijo' Ku bolosimo nu kinyonyoa anu tulu-tulutan.

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

MATIUS 13:20

Bine' anu nanabu' i tampat anu manjoo' na batu, sumomo to mia-mian anu mohongo lele aijo', ka' lau-laus montalima tiba sanang na kinyonyoa.

MATIUS 13:4

“Hau-haunyo nonsau, daagi' ko bine' anu nanabu' i jalan. Lantas tomonsi' tinoka ka' bine' ningkot tinoluknyo.

MATIUS 13:6

Panyo salatan sinaa tolohangkatmo, bine' anu sala'je tumuu' aijo' magayou, lapas aijo' ia manggas ka' mate, saba' bakatnyo madi' talalo maleeng.

MARKUS 4:16

Bine' anu nanabu' i tampat anu batuon, sumomo to mia-mian anu mohongo lele aijo' ka' lau-laus tinalimanyo ka' sanang na kinyonyoa.

MARKUS 4:5

Daagi' mule' ko anu nanabu' i tampat anu batuon, tano'nyo ola sangkiding. Bine' haha aijo' malia' tumuu' kalana sangkiding na tano'nyo,