MATIUS 13:44 - KITAB NU TUMPU ALLA LELE MA'IMAI'

⁴⁴ “De Tumpu mompalentahmo, ka'ada'annyo sumomo kantuang aiya: daagi' ko halata' anu sulu-suluk i uno nu tano', lantas i humpak nu samian, ka' po'ule' tinabuhannyo i uno nu tano'. Lapas aijo', kalana i lame'mo, mian aijo' namba nompobaluk iwi-iwi' na halata'nyo, lantas ninsusule' ka' nongoli tano' aijo'.”

MATIUS 13:44 ပူးပေါင်းရင်းမြစ်များ

AYUB 28:13

Kapandean bapikin madi' ko anu hi manusia; madi' ko anu monsumbu' totu-totu'u angga'nyo anu sahondo-hondonyo.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

AMSAL 17:16

Palasuma na mian anu ponga' mompomingkot doi da molio kapandean bapikin; kalana ia madi' ko pikilan anu ma'ima'.

AMSAL 18:1

Mian anu madi' mongka'oho' mosangalu tiba mian sangga'at alati'nyo ola mompalahatikan posi butongnyo; iwi-iwi' na pikilan nu mian sangga'at madi' nu talima.

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

YESAYA 55:1

Tumpu notatae, “Imbo'mo na belemiu iwi-iwi' anu negotmo, inummo na uee anu sinadiamo. Toka mae na belemiu anu madi' ko doinyo, talimamo na gandum madi' opai oli, ka' kaanmo! Anggur ka' susu sinadiamo, alamo atina' ola obee'.

MATIUS 13:24

I Yesus monsisikakon mule' sa'angu' na kantuang hi mian da'isan, koo-Nyo, “De Tumpu mompalentah, ka'ada'annyo sumo kantuang aiya: Samian na topo ale' monsa'u bine' anu ma'ima' i ale'nyo.

MATIUS 13:46

Salatan ia nohumpakmo sa'angu' na mutiara anu talalo hondo ma'ima', lau-laus ia namba nompobaluk iwi-iwi' na halata'nyo, lantas nongoli mutiara anu sa'angu' aijo'.”

MATIUS 13:47

“De Tumpu mompalentahmo, ka'ada'annyo: O'umpamakon nu buani' anu binuani'akon i dowiwi, lantas nohumpak manjoo' na ngahan nu ikan.

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

MATIUS 19:27

Lantas i Petrus notatae, “Toamo, kami nompala'imo iwi-iwi' apaa da mombatukimo Kita Tuuma. Ka' apaa na anu otalimaje mami?”

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 6:21

Kalana iya na ko halata'um, i kiijo' suele na kinyonyoaum!”

LUKAS 14:33

Kahimpusannyo, i Yesus notatae, “Sumo aitu mule' na komiu. Madi' ko samian pe'e atina' hi komiu timbali mombatuki Aku, de ia madi' mongkulubanakon iwi-iwi na apaa.”

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

ANU PINOTO'I HI YOHANES 3:18

Mokonyo aijo' Aku mompokinde'i belemiu, da mongoli hi beleng-Ku mosoni', aijo'mo mosoni' anu madi' kogalo'nyo, da komiu timbali kaya. Oli mule' suele na baju' mopute' hi beleng-Ku, da belemiu mipake ka' mongkulubi kantumuu'an miu anu langgo-langgo' ka' mongambangi. Ka' olimo na pakuli' anu o gegesakon i mata miu da belemiu timbali montoa.