MATIUS 13:36 - KITAB NU TUMPU ALLA LELE MA'IMAI'

³⁶ Lapas aitu i Yesus nompala'imo mian da'isan aijo', lantas ninsoop i laigan. Anu saja' mombatuki Ia tinoka ka' notatae, “Soba kita Tuuma talangkan mae hi kami na alati' nu kantuang anu mongkona to pada-padang i totonga' nu gandum aijo'.”

MATIUS 13:36 ပူးပေါင်းရင်းမြစ်များ

MATIUS 13:1

I sinaa aijo' mule' i Yesus nompala'imo laigan aijo', lantas namba i biwi nu Dowiwi ka' sinumuhang i kiijo'.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 13:18

“Hongo pe'e apaa na alati'nyo nu kantuang mongkona anu monsa'u bine' aijo'.

MATIUS 13:25

Daagi' kino sampahuan, salatan iwi-iwi' na mian ihoyotmo sampobali' nu topo ale' aijo' tinoka nonsau bine' nu padang i totonga' nu gandum aijo', ka' ia namba.

MATIUS 14:22

Lapas aijo' i Yesus nonsaimo anu saja' mombatuki Ia da sumake'mo i duangan, ka' momonanyo motaap pe'e i dowiwi, hau-haunyo Ia nonsaimo mian da'isan aijo' da minsusule'mo.

MATIUS 15:39

Lapas aijo', i Yesus nonsaimo mian da'isan aijo' minsusule'. Ia sinumake'mo i sa'angu' na duangan ka' namba nokiijo' i da'erah Magadan.

MATIUS 9:28

Tempo'nyo i Yesus ninsoopmo i uno nu laigan, ua'aha na mian mapisok aijo' tinoka hi Ia. I Yesus nompokilawa hi aha, “Opalesaya miu saba' Aku timbali mompa'alin komiu?” “Palesaya hi Kita Tuuma!” tukoonyo nu aha.

MARKUS 4:34

I Yesus saja' mompake kantuang de Ia mongajan mian haha aijo'. Panyo de ola posi Ia tiba anu saja' mombatuki Ia, nupotalang iwi-iwi' hi aha.

MARKUS 6:45

Lapas aijo' i Yesus lia-lia' nonsai anu saja' mombatuki Ia namba imoona tiba duangan mokiijo' i Betsaida i santoa nu dowiwi, hau-haunyo aijo' Ia nonsaimo mian da'isan aijo' da ninsusule'mo.

MARKUS 7:17

Salatan i Yesus nompala'imo mian da'isan aijo' ka' ninsoop i laigan, anu saja' mombatuki Ia nompokilawa hi Ia mongkona makisut nu kantuang aijo'.