MATIUS 13:35 - KITAB NU TUMPU ALLA LELE MA'IMAI'

³⁵ Salatan sumo aijo' tinimbalimo na anu tinaloakon nu nabi, “Aku mompake kantuang de motatae tiba aha: Aku mompoto'ije hahan anu sulu-suluk daagi' pe'e u'utu mae jinadi na dunia aiya.”

MATIUS 13:35 ပူးပေါင်းရင်းမြစ်များ

MAZMUR 49:4

Ku taeakonmo na potatae nu pikilan anu pande, pikilanku maleeng hondo.

MAZMUR 78:2

Aku montaeakonmo sa'angu' na ibalat ka' kantuang, ka' mompoto'imo alati'nyo nu tangki-tangki'on tempo'nyo naipuan mae,

YESAYA 42:9

Uuka aiya anu lewa' kinila-kilang-Ku memang jinadimo; Aku kahanda'mo mompoto'i hahan anu ma'isa toho' jinadi; ma'isa pe'e han aijo' jadi polo'mo Ku poto'i hi beleyum.”

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

MATIUS 13:14

Tiba han aijo' jinadimo apaa na anu pinoto'i Nabi Yesaya, ‘Tumpu notatae: Aha saja' mohongo panyo madi' mangalati'; aha saja' mompalahatikan panyo madi' monsumbu' apaa na anu jinadimo.

MATIUS 13:3

Lantas i Yesus nongajan manjoo' na han hi aha, nompake kantuang. “Samian na topo ale' namba nonsau bine',” sumo aitu na i Yesus nontampu'uni sisikon-Nyo.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 5:2

lantas Ia nontampu'unimo nongajan aha:

LUKAS 10:14

Sinaa nu Kakiamatan, to mia-mian nu Tirus tiba Sidon lebe dengke na o ampuni nu Tumpu, panyo komiu madi' dengke na o ampuni.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

EFESUS 3:5

Naipuan mae lahasia aijo' madi' toho' pinosumbu' hi mian, panyo uuka Roh nu Tumpu nomponyata'mo hi to rasul-rasul ka' hi to nabi-nabi-Nyo.

EFESUS 3:9

ka' mule' da montului aku iwi-iwi' na mian monsumbu' mosia na Tumpu, anu Nompotimbalimo dunia aiya mombaumo tanga'an-Nyo anu daagi' pe'e daulu' kalam pinohowinimo i dunia aiya.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.