MATIUS 13:3 - KITAB NU TUMPU ALLA LELE MA'IMAI'

³ Lantas i Yesus nongajan manjoo' na han hi aha, nompake kantuang. “Samian na topo ale' namba nonsau bine',” sumo aitu na i Yesus nontampu'uni sisikon-Nyo.

MATIUS 13:3 ပူးပေါင်းရင်းမြစ်များ

MAZMUR 49:4

Ku taeakonmo na potatae nu pikilan anu pande, pikilanku maleeng hondo.

MAZMUR 78:2

Aku montaeakonmo sa'angu' na ibalat ka' kantuang, ka' mompoto'imo alati'nyo nu tangki-tangki'on tempo'nyo naipuan mae,

YEHEZKIEL 17:2

“O, manusia anu madi' tumuu' batu, sisikakon hi to mia-mian Israel na kantuangan aiya,

YEHEZKIEL 20:49

Panyo aku i Yehezkiel nompoto'imo kabalatanku ka' notataemo, “O, Tumpu Anu Matangkas na Kuasanyo, boli mae mompalentah aku mompoto'i han aijo'! Iwi-iwi' na mian notusa'mo kalana aku saja' mompake ibalat sahingga susa' na opoko ala opangalati'i.”

MIKHA 2:4

Nasib nu belemiu nu gunakonmo nu mian bau ponsindin ka' aha mongajanmo nyanyian anu onyanyiakon de ko anumo silaka, sumo uuka, ‘Tumpu nonsilakaimo lipu' mami aiya ka' mule' nombee'mo hi aha anu nomboamo kami. Kami memang ahi' ihansunmo totu-totu'u.’ ”

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

MATIUS 13:4

“Hau-haunyo nonsau, daagi' ko bine' anu nanabu' i jalan. Lantas tomonsi' tinoka ka' bine' ningkot tinoluknyo.

MATIUS 13:53

Salatan i Yesus ilapasmo na nonsisikakon kantuang aijo', ia nompala'imo tampat aijo',

MATIUS 22:1

I Yesus notatae mule' hi mian da'isan mompake kantuang,

MATIUS 24:32

“De pangajalan mongkona kau' ara. De to panga-panga'nyo to die-die' molunoumo ka' maluano'mo ka' montampu'unimo minsumpe, osumbu'mo miu saba' tempo' nu posinaa ohanimo.

MARKUS 12:1

Lapas aijo' i Yesus nontampu'unimo notatae nu kantuang hi to kapa-kapala nu imam, to gulu-gulu' agama ka' to pola-polaya' nu Yahudi. I Yesus notatae, “Daagi' ko samian anu nonsu'ani sa'angu' na ale' nu anggur, lantas nompagan titikub. Lapas aijo' ia nongkeke bolo' da bau pompetian anggur, lantas ia nompotinjo sa'angu' na laigan bau pontamongian. Lapas aijo' tinamboakonnyomo na ale' nu anggur aijo' hi to pia-piangkuka na anu mokalaja, lantas nambamo i kampung sangga'at.

MARKUS 12:12

Sahingga to tu'a-tu'anyo nu bansa Yahudi anu nohongo kantuang aijo', mompagala mohakop i Yesus, kalana nusumbu' nu aha na kantuang aijo' nupatuakon i Yesus hi aha. Panyo aha mabuhuk hi mian da'isan. Jadi aha nambamo nompala'i Yesus.

MARKUS 3:23

Saba' i Yesus nolaga mian da'isan aijo', ka' nonsisikakon hi aha to pia-piangkuka na kantuang. “Mosia na timbali roh ma'idek molaa' roh ma'idek,” na koonyo i Yesus.

MARKUS 4:13

Lapas aijo' i Yesus notatae hi aha, “De komiu madi' mangalati' i kantuang aijo', mosia na komiu timbali mangalati' i kantuang anu sangga'at?

MARKUS 4:33

Sumo aijo' na i Yesus mongajan mian mombau manjoo' na kantuang anu sumo aijo', anu timbali nupangalati'i nu aha.

LUKAS 12:41

“Tumpu, ugaat pangajalan aijo' opadonakon nu Tumpu hi kami, kabai hi iwi-iwi' na mian?” pinokilawa i Petrus.

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 16:25

“Iwi-iwi' aiya Ku taloakon hi beleyum nu ande-andeon. Panyo tokaje mae na tempo'nyo Aku madi'mo daagi' mompake ande-andeon, panyo osisikmo nasa-nasa hi beleyum mongkona Tuuma.