MATIUS 13:25 - KITAB NU TUMPU ALLA LELE MA'IMAI'

²⁵ Daagi' kino sampahuan, salatan iwi-iwi' na mian ihoyotmo sampobali' nu topo ale' aijo' tinoka nonsau bine' nu padang i totonga' nu gandum aijo', ka' ia namba.

MATIUS 13:25 ပူးပေါင်းရင်းမြစ်များ

1 TOMU-TOMUNDO' 3:20

Tonga' pahu hau-haunyo aku i hoyotmo ia nobulamo lantas nongalamo bunga mea'ku aya i sohipi'ku. Bunga mea'ku aijo' pinomale'nyomo i kahoyotannyo, ka' bunga mea'nyo anu sinilakamo aijo' pinomale'nyomo i kahoyotanku.

MATIUS 13:24

I Yesus monsisikakon mule' sa'angu' na kantuang hi mian da'isan, koo-Nyo, “De Tumpu mompalentah, ka'ada'annyo sumo kantuang aiya: Samian na topo ale' monsa'u bine' anu ma'ima' i ale'nyo.

MATIUS 13:26

Salatan anu sinau aijo' tinumuu'mo, ka' bunganyo i lubatmo kinantoaanmo suele na padang haha aijo'.

MATIUS 13:27

Lantas to mia-mian anu mongala tamboo hi anu mongale' aijo' tinokamo hi anu mongale' aijo' ka' notatae, ‘Te misa' kita Tuan na nonsau bine' anu ma'ima' aijo' i ale' i Tuan? Mosia na jadinyo sampe ko to pada-padangnyo aijo' mae?’

MATIUS 13:29

‘Madi',’ tinaamannyo, ‘Kalana padang haha aijo' de o bubutimo, tantu gandumnyo suele tombubutmo.

MATIUS 13:30

Pojohokmo na padang haha aijo' tumuu' hingga-hinggat toka tempo'nyo mompadak. Tanda'i, kutaloakonje hi to mia-mian anu mompadak'. Limu'akon pe'e na padang haha aijo', obutu'i ka' o papui. Lapas aijo' limu' na gandumnyo, ka' o uno i uno nu alang.’ ”

MATIUS 13:39

Sampobali' anu nonsu'an padang haha aijo' Ibilis. Tempo' nu mompadak, aijo'mo Sinaa Kiamat, ka' to mia-mian anu mompadak aijo'mo na to mala-malaikat.

MATIUS 25:5

Boting mo'ane aijo' madi' sampa' tinoka, jadi to lalangkoyang haha aijo' mulaimo natatundu' ka' tinohoyotmo.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 2:20

Panyo aiya na Ku poto'i hi belemiu: Belemiu nongkanonongimo i Izebel, boune anu mongakui butongnyo pokauhon nu Tumpu aijo'. Manjoo'mo na to posa-posaihon-Ku anu ingakalannyomo ka' ingajannyo da masala', da mongkaan kaanon anu sinombahkonmo hi pilogot.