MATIUS 13:23 - KITAB NU TUMPU ALLA LELE MA'IMAI'

²³ Ka' bine' anu nanabu' i tano' anu molumba', sumomo to mia-mian anu mohongo lele aijo' ka' mangalati'. Aha mimbua' manjoo', daagi' ko anu sa'atu, daagi' ko anu anom pulu', ka' daagi' ko anu tolumpulu' lipat na hasinnyo.”

MATIUS 13:23 ပူးပေါင်းရင်းမြစ်များ

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

YEHEZKIEL 36:26

Jadi belemiu Ku bee'imo kinyonyoa anu bu'ou ka' mule' pikilan anu bu'ou. Kinyonyoa nu beleyum anu nokutmo susumo batu aijo' Ku bolosimo nu kinyonyoa anu tulu-tulutan.

MATIUS 12:33

“Da mohumpak bua' anu ma'ima'; pu'unnyo nu kau' tionyo molumba'. De pu'unnyo nu kau' madi' molumba', bua'nyo suele madi' ma'ima'. Molumba' kabai madi' na kau' osumbu' i bua'nyo.

MATIUS 13:8

Panyo daagi' mule' ko bine' anu nanabu' i tano' anu molumba', lantas nimbua'; daagi' ko anu sa'atu, daagi' ko anu anom pulu', ka' daagi' ko anu lipat tolumpulu'.”

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

MARKUS 4:20

Ka' bine' anu nanabu' i tano' anu ma'omuk aijo', sumomo to mia-mian anu mohongo lele aijo' ka' tinalimanyo, aha mimbua' manjoo', daagi' ko anu tolum pulu', daagi' ko anu anom pulu', ka' daagi' ko anu pinsa'atu lipat na hasinnyo.”

LUKAS 13:9

Ihe na monsumbu' taun aiyamae mimbua'je. Panyo de madi', timbalimo na kita Tuan mompokau anu montaa'.’ ”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

LUKAS 8:8

Panyo daagi' ahi' ko bine' anu nanabu' i tano' anu ma'omuk, lantas tinumuu' mohasinakon bua'nyo pininsa'atu lipat.” Lapas nonsisik kantuangan aijo', i Yesus notataemo, “De ko bihing, hongo!”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 8:47

Mian anu nolengkat mae hi Tumpu, mohongo potatae nu Tumpu. Panyo komiu misa' lengkat mae hi Tumpu, mokonyo aijo' komiu madi' mongka'oho' mohongo.”

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

2 KORINTUS 9:10

Tumpu na montoukai binee' hi mian topo sau binee' ka' anu okaanto. Ia mule' na montoukai ka' momponjoo' apaa na anu osau miu, da hasin nu kanonongan nu kinyonyoa miu mompaka pintuang mule'.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

IBRANI 6:7

Tano' anu monsosop uee nu ujan anu toto minsan tudun i bawonyo, lantas mohasinakon to sosu-sosu'anon anu mingguna hi mian anu mokalaja, tano' aijo' binalakatanmo nu Tumpu.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.