MATIUS 13:11 - KITAB NU TUMPU ALLA LELE MA'IMAI'

¹¹ I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 13:11 ပူးပေါင်းရင်းမြစ်များ

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YESAYA 29:11

Alati'nyo nu anu otoa maninsulukmo hi belemiu susumo kitab anu osegelmo. De kitab aijo' oboa hi samian anu moko ala mombasa da ia na mombasa'akon hi belemiu, ia aijo' saidi' mae motataeje tukoonyo ia adi' moko ala mombasa' kalana kitab aijo' sinegelmo.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

MATIUS 13:10

Lapas aijo' anu saja' mombatuki Yesus tinoka ka' nompokilawa hi Ia, “Kadaka' Kita Tuuma mompake kantuang de motatae hi mian da'isan?”

MATIUS 16:17

“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'.

MATIUS 19:11

I Yesus nontaami, “Madi' iwi-iwi' na mian timbali montalima potatae aiya, ola to mia-mian anu tinantukanmo nu Tumpu.

MATIUS 20:23

I Yesus notatae, “Memang komiu monginumje suele i mangko'-Ku. Panyo mongkona ihe na anu sumuhang i kowi ka' i koanan-Ku, aijo' misa' kuasang-Ku na montantukan. Tampat-tampat aijo' bau tampat nu to mia-mian anu tinantukanmo nu Tuumang-Ku.”

MARKUS 10:40

Panyo mongkona ihena anu sumuhang i koanan kabai i kowing-Ku, aijo' misa' Aku na ko hak montantukan. Tumpu na montantukan ihehemo na anu sumuhang i tampa-tampat aijo'.”

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 6:65

Lantas i Yesus po'ule' notatae, “Aijo' na sababnyo Ku poto'i hi komiu, saba' madi' ko samian pe'e moko ala toka hi beleng-Ku de madi' nupobee' nu Tuuma.”

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 15:51

Boli okolilimi na lahasia aiya: Madi' iwi-iwi' kita silaka, panyo kita iwi-iwi' obali'imo.

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

EFESUS 5:32

Ayat nu kitab anu sinanggo aijo' maleeng na alati'nyo. Ka' aijo' kupogoma' tiba pompaha sumbu'an i Kristus tiba jama'at.

EFESUS 6:19

Ka' aku suele odo'akon mae da toka i tempo'nyo aku motatae, Tumpu mombee'i mae aku potatae anu sahondo-hondonyo. Ka' da aku baani moko ala mompoto'i lahasia nu Lele Ma'ima' aijo'.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 TIMOTIUS 3:9

Aha tionyo ahi' montoongi kinyonyoa anu ma'ima' ka' belesi' i ajalan kapalesaya'an nu mian Kristen anu pinonyata'mo nu Tumpu Allah.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.