MATIUS 12:7 - KITAB NU TUMPU ALLA LELE MA'IMAI'

⁷ I uno nu Kitab nu Tumpu tinulis: Pongkalibosi ahi' na anu Kukahanda'i, misa' koloban nu binatang. De maluannyo komiu totu-totu'u mangalati' i potatae aijo', tantu komiu madi' momposala' to mia-mian anu madi' ko sala'nyo.

MATIUS 12:7 ပူးပေါင်းရင်းမြစ်များ

AYUB 32:3

Ia mule' nontambuha'imo aha totolu' na bela' i Ayub haha aijo' kalana aha madi' moko ala monggagakon potatae i Ayub, padahan aha lewa' mompisala'i ia.

MAZMUR 109:31

Kalana Ia montinjohi ka' momposalamat mian anu kasiasi da boli mohumpak hukuman mate anu nu nabu'akon mae nu aha hi ia.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

AMSAL 17:15

Tumpu mongka'ideki mian anu mompototu'u mian anu palaganta; ka' mompisala'i mian anu madi' kosala'nyo.

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

MATIUS 22:29

I Yesus nontaami, “Komiu ilipunmo hondo, kalana komiu madi' mangalati' i Kitab nu Tumpu, mau pe'e kuasa nu Tumpu Allah.

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

MARKUS 12:33

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.

YAKOBUS 5:6

Komiu nohukummo ka' nompateimo to mia-mian anu madi' ko sala'nyo, ka' aha madi' nongewa komiu.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.