MATIUS 12:5 - KITAB NU TUMPU ALLA LELE MA'IMAI'

⁵ Kabai te ma'isa toho' komiu nombasa' i uno nu atulan i Musa, tukoonyo de sinaa nu Sabat to ima-imam anu mokalaja i Laigan nu Tumpu, molanggai atulan sinaa nu Sabat, panyo madi' opisala'i?

MATIUS 12:5 ပူးပေါင်းရင်းမြစ်များ

NEHEMIA 13:17

Pinokinde'ankumo na to pola-polaya' nu Yehuda tukoongku, “Madi' osumbu' nu belemiu na belemiu nombaumo anu ma'idek kalana nohenyuimo sinaa nu Sabat?

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

IMAMAT 24:8

De sinaamo nu Sabat tionyo ahi' ko roti anu osombahkon i uno nu Kemah nu Tumpu. Aijo'mo na anu saja' nubau nu aha bansa Israel sampe toka sidu-sidutu'.

MATIUS 12:4

Ia ninsoop i uno nu Laigan nu Tumpu; lantas nongkaan roti anu sinombahkonmo hi Tumpu. Padahan de mombatuki atulan nu agamanto, ia kabai mule' to mia-miannyo, madi' timbali mongkaan roti aijo' – ola to ima-imam na opobee'.

MATIUS 12:6

Opalahatikan apaa na Kutaloakon aiya: i aiya daagi' ko anu lebe daka' molingkudui Laigan nu Tumpu.