MATIUS 12:46 - KITAB NU TUMPU ALLA LELE MA'IMAI'

⁴⁶ Hau-haunyo i Yesus daagi' notatae tiba mian da'isan, tinoka na tinanyo ka' to utu-utus-Nyo. Aha tinuminjo i sambiha'nyo ka' binala usaha da timbali basisik tiba Ia.

MATIUS 12:46 ပူးပေါင်းရင်းမြစ်များ

MATIUS 1:18

Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu.

MATIUS 12:47

Samian anu kiijo' hi mian da'isan aijo' notatae hi Yesus, “Kita Tuuma, tina ka' to utu-utusto nu kita Tuuma kiijo' i sambiha'nyo. Aha mongka'oho' basisik tiba kita Tuuma.”

MATIUS 13:55

Te misa' Ia anak nu tukang kau'? Te misa' i Maria aijo' na tina-Nyo; ka' to utu-utus-Nyo aijo'mo i Yakobus, i Yusuf, i Simon, ka' i Yudas?

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

MATIUS 2:20

Malaikat aijo' notatae, “To mia-mian anu mongka'oho' mompatei Anak aijo' sinilakamo. Kalana aitu bulamo, ala na Anak aijo' tiba tina-Nyo ka' pinsusule'mo mamba i Israel.”

MARKUS 2:21

Madi' ko mian anu montamban baju' anu manau'mo tiba dedelian nu anu bu'ou. Sabab hude pontamban aijo' timbali mombeak baju' aijo', sahingga beaknyo timbali lebe daka'.

MARKUS 6:3

Te misa' Ia aiya tukang anu saja' mombau pakakas nu laigan, Anak i Maria, ka' utus i Yakobus, i Yoses, i Yudas ka' i Simon? Memang to utu-utus-Nyo boune pe'e jojoong i aiya suele.” Kalana aijo' aha madi' nontalima Ia.

LUKAS 1:43

Ihe na aku sahingga tina nu Tumpu kona hi belengku?

LUKAS 2:33

Tuuma ka' tina nu Anak aijo' binangang nohongo apaa na anu tinaloakon i Simeon kona hi anak nu aha.

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

LUKAS 2:48

Tu'anyo-Nyo mule' suele bangangmo na montoa Ia. Tina-Nyo notatae hi Ia, “Anak, kadaka' nu bau na kami sumo aiya? Tuuma-Um ka' tina-Um binata-batamo na nolio Beleyum!”

LUKAS 2:51

Lapas aijo' i Yesus nambamo hingga-hinggat ka' aha ninsusule' nokiijo' i Nazaret, ka' nohongo-hongomo aha. Iwi-iwi' aijo' pino'una' nu tina-Nyo i uno nu kinyonyoanyo.

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 19:25

Koko salib i Yesus, tinuminjomo na tina i Yesus, utus boune nu tina-Nyo, ka' i Maria bengkele' i Klopas, tiba i Maria Magdalena.

YOHANES 2:1

Kino uwansinaanyo daagi' ko bau-bauon po'osoan i kota Kana i tano' nu Galilea, ka' tina i Yesus daagi' i kiijo' mae.

YOHANES 2:12

Lapas aijo' i Yesus nambamo i Kapernaum tiba tina-Nyo, to utu-utus-Nyo, ka' anu saja' mombatuki Ia. Aha jinojoong kiijo' mae tino pia-piansinaamo na kopinnyo.

YOHANES 2:5

Panyo tina i Yesus notatae hi to posa-posaihon, “Baumo pa' apaa na anu tinaloakon-Nyo hi komiu.”

YOHANES 7:10

Salatan to Utu-utusnyo inambamo i lamean aijo', hoko-hokot na i Yesus namba posi sausa'nyo madi' sinumbu' nu mian.

YOHANES 7:3

Sahingga to utu-utus i Yesus notatae hi Ia, “Pala'imo na tampat aiya ka' lako'mo i Yudea, da anu saja' mombatuki Beleyum timbali ahi' montoa kalajaum.

YOHANES 7:5

Kalana posi to Utu-utus-Nyo pe'e madi' palesaya hi Ia.)

SISIKON NU TO RASUL-RASUL 1:14

iwi-iwi' saja' mosangaja' na kinyonyoa silimu' da balado'a. Aha balado'a tiba to bouboune, singkona i Maria tina i Yesus ka' tiba to utu-utus i Yesus.

1 KORINTUS 9:5

Te aku madi' ko hak momboa samian na bengkele' Kristen mojajalan tiba aku, momoya susumo anu binaumo nu to Utu-utus i Tumpu Yesus ka' to rasul-rasul sangga'atannyo, sagala i Petrus?

GALATIA 1:19

Aku madi' nompahakabot tiba to rasul-rasul sangga'at ola samata-mata i Yakobus, utus nu Tumpu.