MATIUS 12:45 - KITAB NU TUMPU ALLA LELE MA'IMAI'

⁴⁵ Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

MATIUS 12:45 ပူးပေါင်းရင်းမြစ်များ

IMAMAT 13:20

da opalesa. De nana'nyo haha aijo' otoa mosi palebokmo madi'mo sumo kilit anu i duhu-duhuknyo ka' bulu i tampat aijo' suele nopute'mo, imam tionyo ahi' mompoto'i taalu' mian aijo' nahumimi'mo. Bisun aijo' montampu'unimo panyakit kilit anu monsilakai.

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 12:44

Mokonyo aitu ia notatae, ‘Aku minsusule'mo i laigan anu pinala'iankumo.’ Tempo'nyo ia tinoka i kiijo', laigan aijo' longkang, belesi' ka' ta'atun.

MATIUS 17:21

Panyo roh ma'idek anu sangahan aiya, ola ahi' timbali olaa' nu balado'a ka' bapuasa'.]”

MATIUS 23:15

Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mamba majo-majo'on motaap i ambai, ka' lumajang monsongkohi katano'an ola ahi' mombau samian da minsoop i agamaum. Ka' salatan mian aijo' ninsoopmo i agamaum, komiu monsaduakonmo ia salon nu nalaka. Lipat pinduan lebe ma'idek molingkudui komiu!

MATIUS 23:24

Komiu to pola-polaya' anu mapisok! Lalo i uno nu anu o inum miu na o tilis miu, padahan unta na o lonyom miu!

MARKUS 16:9

Salatan i Yesus po'ule'mo tinumuu' i kasilakaannyo daagi' subu-subu sinaa nu Duminggu, Ia momoonanyo nompotoa butong-Nyo hi Maria Magdalena. (Hi Maria aijo' toho' i Yesus nonsabatakon popitu' na roh ma'idek.) To boboune haha aijo' nambamo hi Petrus tiba hi to sanga-sangalunyo, lantas nonsisikakon kodo-kodo' iwi-iwi' apaa na anu noko poto'imo hi aha nu olitau aijo'.

MARKUS 5:9

Lantas i Yesus nompokilawa hi ia, “Ihe na sanggoum?” Mian aijo' nontaami, “Sanggongku ‘Legiun’ – kalana kami aiya da'isan hondo!”

LUKAS 11:26

Lantas ia i namba ka' nomboa popitu' na roh sangga'at anu lebe ma'idek molingkudui ia. Lapas aijo' aha ninsoop i uno nu mian aijo' lantas jinojoong i kiijo'. Ka' ahennyo kalakuan nu mian aijo' tinimbali lebe ma'idek molingkudui anu i momonanyo.”

EFESUS 6:12

Kalana kita mahampate misa' mongewa mian, panyo mongewa kahosonan nu to setan-setan iwi-iwi' anu mongkuasaimo tempo' anu ma'idek aiya. Kita mongewa kahosonan nu to roh-roh ma'idek anu mongkuasai langa.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.