MATIUS 12:39 - KITAB NU TUMPU ALLA LELE MA'IMAI'

³⁹ “Palias na ko ideknyo ka' ko geguannyo na to mia-mian tempo' aiya!” tinaaman i Yesus. “Komiu mompoita Aku mombau anu okabangangi? Komiu madi' daagi' obee'i sa'angu' pe'e na anu okabangangi, ola ahi' anu okabangangi i Nabi Yunus.

MATIUS 12:39 ပူးပေါင်းရင်းမြစ်များ

2 TOMU-TOMUNDO' 14:25

I Yerobeam ko II nyo ai-aiyamo na anu po'ule' nongala iwi-iwi' na da'erah nu Israel, lengkat pe'e i jalan mamba i Hamat sasu utara toka-toka i Ambai mate sasu salatan. Aijo' madi' sala' susumo anu jinanji'mo nu Tumpu, Tumpu Allah nu Israel, anu pinoki poto'inyo hi Nabi Yunus posaihon-Nyo anak i Amitau mian nu Gat-Hefer.

YESAYA 57:3

Panyo belemiu mian anu baladosa', po'ukamo mae da oputusimo! Belemiu aiya madi' lebe ma'ima' molingkudui miana nu pa ilimu' mombau anu okahelani, mian anu masala' ka' boune anu molio kantumuu'annyo ola mombau masala'!

YUNUS 1:1

Daagi kino sansinaan, Tumpu notataemo hi Yunus anak i Amitai.

MATIUS 16:4

“Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MARKUS 8:12

I Yesus nongoa'i sinusa' lantas nontaami, “Apaa na sababnyo mian tempo' uuka momoita Aku da mombau anu okabangangi? Madi'! Aku madi' mombee'i tanda anu sumo aijo' hi aha!”

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?