MATIUS 12:33 - KITAB NU TUMPU ALLA LELE MA'IMAI'

³³ “Da mohumpak bua' anu ma'ima'; pu'unnyo nu kau' tionyo molumba'. De pu'unnyo nu kau' madi' molumba', bua'nyo suele madi' ma'ima'. Molumba' kabai madi' na kau' osumbu' i bua'nyo.

MATIUS 12:33 ပူးပေါင်းရင်းမြစ်များ

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

MATIUS 23:26

Farisi mapisok! Baso'i pe'e bele-belesi' na anu i unonyo i to mangko-mangko' ka' to lea-lean miu da i sambiha'nyo timbali belesi' suele!

LUKAS 3:9

Bobolo' sinadiamo pontaa' kau' toka i baka-bakatnyo. Batu-batu anu madi' mimbua' ma'ima' o taa' ka' o alin i uno nu apu.”

YAKOBUS 3:12

Kau' ara, to Utu-utusku, madi' toho' mimbua' bua' nu zaitun, ka' kau' anggur madi' toho' mimbua' bua' nu ara. Mata nu uee mintimuson madi' toho' ahi' monsabatakon uee matawas.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!