MATIUS 12:32 - KITAB NU TUMPU ALLA LELE MA'IMAI'

³² De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 12:32 ပူးပေါင်းရင်းမြစ်များ

AYUB 36:13

Mian anu madi' palesaya Tumpu saja' motambuha' i uno nu kinyonyoanyo; mau nuhukumo nu Tumpu, madi' mongka'oho' na aha momoita tulung.

MATIUS 11:19

Sinaa aiya Anak nu Mian toka – Ia mongkaan ka' monginum; ka' aitu to mia-mian motatae, ‘Toa na mian aijo'! Majoko', saja' malangu, sangalu nu anu saja' montage hasin, ka' sangalu nu mian anu baladosa'.’ Mau mule' sumo aijo', kapandean nu Tumpu otoa i kasawe'annyo mae.”

MATIUS 12:31

Kalana aijo' osumbu'mo, de mian anu mombau dosa' montaeakon anu moko pa'ambang, ia timbali o ampuni. Panyo de ia mongambangi Roh nu Tumpu, ia madi' daagi' o ampuni!

MATIUS 12:8

Kalana Anak nu Mian mongkuasai sinaa nu Sabat.”

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 13:39

Sampobali' anu nonsu'an padang haha aijo' Ibilis. Tempo' nu mompadak, aijo'mo Sinaa Kiamat, ka' to mia-mian anu mompadak aijo'mo na to mala-malaikat.

MATIUS 13:40

Sumo aitumo na to pada-padang olimu' ka' opapui i uno nu apu, sumo aitumo na Sinaa de Kiamatmo.

MATIUS 13:55

Te misa' Ia anak nu tukang kau'? Te misa' i Maria aijo' na tina-Nyo; ka' to utu-utus-Nyo aijo'mo i Yakobus, i Yusuf, i Simon, ka' i Yudas?

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MARKUS 10:30

mian aijo' montalimaje lebe manjoo' i tempo' u'uka aiya. Ia mohumpakje pinsa'atu lebe manjoo', utus mo'ane, utus boune, tina, to ana-anak, sawah ale'nyo, – ka' osakisa mule'. Ka' tempo' saidi'mae, mian aijo' montalimaje kantumuu'an ma'ima' toka sidu-sidutu'.

MARKUS 3:28

Osumbu'mo! De mian anu mombau dosa' ka' montaeakon anu moko kulang, ia daagi' o ampuni.

MARKUS 3:29

Panyo de ia montalo-taloakon anu ma'idek hi Roh nu Tumpu Allah, ia madi'mo daagi' o ampuni! Kalana montaloakon anu ma'idek, atina'mo na dosa' anu sidu-sidutu'.” (

LUKAS 12:10

De mian montaloakon apa-apaa monggagakon Anak nu Mian, ia timbali o ampuni; panyo de ia mompopo'ise' Roh nu Tumpu Allah, ia madi' timbali o ampuni.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

LUKAS 18:30

mian aijo' obalosije pimpian lipat tempo' uuka, ka' tempo' anu tokaje mae, ia obee'ije tumuu' kopian sidu-sidutu'.”

LUKAS 23:34

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

LUKAS 7:34

Anak nu Mian toka – Ia mongkaan ka' monginum – lantas komiu motatae, ‘Toa na mian aijo'! Mabebes, saja' ma langu, sangalu nu topo tage hasin, ka' sangalu nu mian baladosa'.’

YOHANES 7:12

Da'isan na mian lewa'mo mongoyongakon Ia. Daagi' ko anu motatae, “Ia mian ma'ima'.” Daagi' mule' ko anu motatae, “Madi'! Ia monsaduakon pikilan nu mian da'isan timbali ponga'.”

YOHANES 7:39

I Yesus binasisik mongkona Roh nu Tumpu, anu saidi' mae nu talimaje nu to mia-mian anu palesayamo hi Ia. Kalana tempo' aitu Roh nu Tumpu ma'isa binee'; kalana i Yesus ma'isa pinopodaka' i uno nu kasilakan-Nyo.)

YOHANES 7:52

“Te beleyum suele lengkat mae i Galilea?” tinaaman nu aha. “Soba palesaya na Kitab nu Tumpu! Beleyum montoaje saba' madi' ko Nabi anu molengkat mae i Galilea!” [

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

EFESUS 1:21

Pangkat i Kristus aijo' lebe matangkas molingkudui pangkat nu iwi-iwi' na pamalentah, iwi-iwi' na anu ko kuasa, iwi-iwi' na polaya', iwi-iwi' na to tuan-tuan ka' mau mule' ihe na anu binee'anmo pangkat anu matangkas; mau anu tumuu' tempo' uuka aiya, mau mule' anu tumuu' i tempo' anu tokaje mae.

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.