MATIUS 12:29 - KITAB NU TUMPU ALLA LELE MA'IMAI'

²⁹ Mosiamo na mian timbali minsoop i uno nu laigan nu samian anu mahoson na mongagoi halata'nyo, de ia madi' pe'e mompungu mian anu mahoson aijo'? Lapas aitu, timbalije ia mongagoi halata'nyo.

MATIUS 12:29 ပူးပေါင်းရင်းမြစ်များ

YESAYA 49:24

Belemiu mompokilawamo, “Tetoho' mule' balang anu pinahuhuakon ingagoan hi lima nu talenga', kabai mian anu ihakop ingala aijo' totoong hi lima nu mian anu singgi?”

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

MATIUS 12:28

Panyo aku molaa' roh ma'idek tiba kuasa nu Roh nu Tumpu Allah. Ka' aijo' alati'nyo, saba' Tumpu montampu'unimo mompalentah atina' hi komiu.

MATIUS 12:30

Mian anu madi' matihapa' hi beleng-Ku, totu-totu'unyo mombahakon Aku. Ka' mian anu madi' montulungi Aku, totu-totu'unyo mongidei pakalaja'an-Ku!

MARKUS 3:27

Madi' ko samian pe'e moko ala minsoop i uno nu laigan nu samian anu mahoson ka' mongagoi halata'nyo, de ia madi' mompungu pe'e mian mahoson aijo'. Lapas aijo' timbalije ia moko ala mongagoi halata'nyo.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

1 YOHANES 4:4

Panyo to Ana-anakku komiu anumo nu Tumpu. Komiu nohungku'imo to nabi-nabi anu madi' totu'u kalana Roh anu daagi' hi belemiu lebe daka' na kuasanyo molingkudui roh anu daagi' hi to mia-mian anu kinuasanmo nu dunia aiya.