MATIUS 12:28 - KITAB NU TUMPU ALLA LELE MA'IMAI'

²⁸ Panyo aku molaa' roh ma'idek tiba kuasa nu Roh nu Tumpu Allah. Ka' aijo' alati'nyo, saba' Tumpu montampu'unimo mompalentah atina' hi komiu.

MATIUS 12:28 ပူးပေါင်းရင်းမြစ်များ

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 12:29

Mosiamo na mian timbali minsoop i uno nu laigan nu samian anu mahoson na mongagoi halata'nyo, de ia madi' pe'e mompungu mian anu mahoson aijo'? Lapas aitu, timbalije ia mongagoi halata'nyo.

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MARKUS 1:15

Koo-Nyo, “Tumpu malia'mo montampu'uni mompalentah. Balatobatmo bolimo mombau dosa-dosa'um, ka' opalesayamo na Lele Ma'ima' anu lengkat mae hi Tumpu!”

MARKUS 11:10

Higahiyakon na kapalentahan-Nyo anu tokaje mae – pamalentahan i Daud mompolee'to! Puji'mo na Tumpu Anu Matangkas na Kuasa-Nyo!”

MARKUS 16:17

Salaku bukuti' aha pinalesayamo, mian haha aijo' molaa' roh ma'idek kalana mompake sanggong-Ku; aha basisik nu potatae anu madi' nusumbu' nu aha.

LUKAS 10:11

‘Ka' mule' abu' nu kota'um anu matikampit i tengke mami, o sapuakon mami sumo salaku pokinde' hi beleyum. Panyo osumbu'mo saba' malia'mo na tempo'nyo Tumpu montampu'uni mompalentah sumo Tomundo hi komiu!’

LUKAS 11:20

Panyo Aku molaa' roh ma'idek tiba kuasa nu Tumpu, ka' aijo' alati'nyo, saba' Tumpu montampu'unimo mompalentah atina' hi komiu.

LUKAS 16:16

Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

LUKAS 9:2

Lapas aijo' Ia nompokau aha namba nompa'alinakon mian masakit, ka' mompolele lele mongkona mosia na Tumpu mompalentah sumo Tomundo.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.