MATIUS 12:24 - KITAB NU TUMPU ALLA LELE MA'IMAI'

²⁴ Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 12:24 ပူးပေါင်းရင်းမြစ်များ

MAZMUR 109:20

O, Tumpu nabu'akonmo na hukuman aijo' hi mian anu montutuk mae aku, hi aha anu motatae mae ma'idek hi belengku.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 9:32

Tempo'nyo ua-ua'aha na mian aijo' namba, samian na anu momo' anu kinuasanmo nu roh ma'idek, binoa hi Yesus.

MATIUS 9:34

Panyo to mia-mian Farisi notatae, “Kapala nu roh ma'idek aijo' na nombee'i Ia kuasa da molaa' to roh-roh ma'idek aijo'.”

MARKUS 3:22

To gulu-gulu' agama anu tinoka lengkat mae i Yerusalem notatae, “Ia sinoku'onmo nu Beelzebul! Kapala nu to roh-roh ma'idek aijo' na anu nombee'i kuasa hi Ia, da timbali molaa' roh ma'idek.”

LUKAS 11:14

Daagi' ko sansinaan i Yesus nolaa' roh ma'idek nosabat lengkat hi samian na anu momo'. Salatan roh ma'idek aijo' nosabatmo, mian aijo' nontampu'unimo binasisik. Manjoo' na mian binangang,

LUKAS 11:15

panyo daagi' ko anu notatae, “Ia moko ala molaa' roh ma'idek kalana kuasa nu Beelzebul, hi roh ma'idek aijo'.”