MATIUS 12:14 - KITAB NU TUMPU ALLA LELE MA'IMAI'

¹⁴ Panyo to mia-mian nu Farisi nompala'i laigan pogalejaan aijo', lantas binasale' da opateimo na i Yesus.

MATIUS 12:14 ပူးပေါင်းရင်းမြစ်များ

MATIUS 26:4

Aha binasale'mo da mohakopmo i Yesus hoko-hokot, ka' mompatei Ia.

MATIUS 27:1

Subu-subu hondo, iwi-iwi' na Kapala nu to Ima-imam, ka' polaya' nu Yahudi nombaumo sa'angu' na kaputusan da o pateimo na i Yesus.

MARKUS 14:1

Daagi' uansinaa Sinaamo nu Paskah ka' Molame'akonmo Roti anu Madi' ko Raginyo. Kapala nu to imam-imam ka' to gulu-gulu' agama hau-haunyo molio jalan da mohakop i Yesus ka' madi' ko hengge-hengge' da o patei na Ia.

MARKUS 3:6

Sahingga to mia-mian nu Farisi nompala'i laigan pogalejaan aijo', lantas aha binasale' lia-lia' tiba to pia-piangkuka na mian anu monsangaja'i Herodes, da opatei na i Yesus.

LUKAS 22:2

Kapala nu to ima-imam tiba gulu-gulu' agama hau-haunyo molio jalan da o patei na i Yesus hoko-hokot, kalana aha nabuhuk hi mian da'isan.

LUKAS 6:11

Panyo to gulu-gulu' agama tiba to mia-mian nu Farisi pinusamo hondo, ka' mulai binasale' pa' apaa na anu timbali nubau nu aha hi Yesus.

YOHANES 10:31

Lantas to mia-mian nu Yahudi po'ule'mo nongala batu bau pombunu' i Yesus.

YOHANES 10:39

Aha po'ule' mule' batanga' mohakop i Yesus, panyo Ia ma'isa pinoko hakop nu aha.

YOHANES 11:53

Sinaa aitu na nontampu'uni, aha anu mongkuasai Yahudi sinangaja'mo mompatei Yesus.

YOHANES 11:57

Aha nontaloakon sumo aijo' kalana to kapala-kapala nu imam tiba to mia-mian nu Farisi nompalentahkonmo da ihe na mian anu monsumbu' iyana kajojoongan i Yesus, tionyo mompoto'i mae da Ia o hakopmo.

YOHANES 5:18

Potatae aijo' nombau aha anu mongkuasai Yahudi lebe molio jalan da mompatei Ia. Aha mombau sumo aijo', misa' ola kalana Ia molanggai atulan nu agama mongkona sinaa nu Sabat, panyo mule' kalana Ia notatae tukoonyo Tumpu aijo' Tuuma-Nyo; alati'nyo Ia mompokakanakon Tumpu tiba butong-Nyo.

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 7:32

To mia-mian nu Farisi nohongomo mosia na mian da'isan haha aijo' mompaha oyo-oyong mongkona i Yesus. Kalana aitu, hingga-hinggat tiba to kapa-kapala nu imam, aha nonsaimo to pia-piangkuka ponjagai Laigan nu Tumpu mamba mohakop i Yesus.

YOHANES 7:44

Daagi' ko anu mompai hakopmo Ia, panyo madi' ko samian pe'e na moko toongi Ia.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.