MATIUS 11:5 - KITAB NU TUMPU ALLA LELE MA'IMAI'

⁵ Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 11:5 ပူးပေါင်းရင်းမြစ်များ

2 TOMU-TOMUNDO' 5:14

Kalana aijo' nambamo na i Naaman i kaunyo Yordan lantas lako'mo nongkiobakon butongnyo i kaunyo aijo' pinimpitun susumo anu pinokaumo i Elisa. Sahingga na'alinmo na i Naaman. Butongnyo po'ule'mo na'ima' susumo butong nu olitau.

2 TOMU-TOMUNDO' 5:7

Salatan tomundo' nu Israel nombasa'mo sulat aijo', binea-beaknyomo na baju'nyo kalana nabuhukmo, ka' notatae, “Silakamo na uuka kadaka' i tomundo' Siria aijo' nompoitamo mae aku da mompa'alinakon mian aijo'? Aku misa' Tumpu Allah anu ko kuasa timbali mompotumuu' kabai mompatei mian! Tantu tomundo' nu Siria aijo' ola mompobau-bau aku!”

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

MAZMUR 22:26

De sihukmo na mian aku mompuji'mo Belento, kalana iwi-iwi' apaa na anu binaumonu Belento. I ahop nu mian anu mohongo-hongo Tumpu ku sombahkonmo na koloban anu jinanji'kumo.

NOSABATMO 4:11

Tumpu notataemo hi ia, “Ihe na nombee'i nganga' hi manusia? Ihe na nompotimbali ia momo' kabai mabongon? Ihe na nompotimbali ia moko ala montoa kabai mapisok? Te misa' Aku, Tumpu?

YESAYA 29:18

Toka itempo'nyo aijo' mian anu mabongon timbalimo mohongo potatae anu isa'angu' na kitab anu obasa'mo ka' anu mapisok anu u'utu mae tumuu' i uno nu kapintungan timbalimo montoa.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 43:8

Tumpu notatae, “Palentah da mamba mae i ahop, bansang-Ku anu napisokmo, maumo ahi' ko matanyo; anu nabongonmo maumo ahi' ko bihingnyo.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

ZAKHARIA 11:7

Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

MATIUS 10:8

Opa'alin na to mia-mian anu masakit; opo tumuu' na to mia-mian anu sinilakamo; opa'alin na to mia-mian anu ko panyakit kilit anu okabuhuk, ka' olaa' na to roh-roh ma'idek. Komiu nontalimamo iwi-iwi' aijo' ola ihalala akon. Jadi, mombee'i suele ola ohalala akon.

MATIUS 11:4

I Yesus nontaami, “Pinsusule' hi Yohanes ka' opoto'iakon apaa na anu i hongomo miu ka' tinoamo;

MATIUS 12:13

Lapas mule' i Yesus notataemo hi mian anu kapi' na limanyo sambiha' aijo', “Tajuakon mae na limaum.” Mian aijo' nontajuakon limanyo, ka' limanyo aijo' na'alinmo sumomo lima sambiha'.

MATIUS 21:14

To mia-mian anu mapisok ka' anu lupe tinoka hi Yesus i Laigan nu Tumpu, ka' Ia nompa'alin aha.

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

MATIUS 9:30

Sahingga aha timbali nontoa. Pinoto'i Yesus hi aha totu-totu'u, da boli mompoto'i han aijo' mau pe'e pa' hi he.

MARKUS 7:37

Ka' iwi-iwi' na mian anu nohongo aijo' binangang hondo. Aha notatae, “Iwi-iwi' binaunyo ima-ima'! Ka' mule' ia nombau mian ma bongon mohongo, ka' mian momo' timbali motatae!”

MARKUS 9:25

Tempo'nyo i Yesus nontoa saba' mian da'isan montampu' unimo toka sihuk, Ia nompalentah roh ma'idek aijo' ka' notatae, “Roh mabongon ka' momo', oko Ku palentah posabat lengkat hi anak aiya, ka' boli daagi' timbali minsoop i unonyo!”

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YOHANES 10:25

I Yesus nontaami, “Tinaloakon-Kumo hi komiu, panyo komiu madi' palesaya. Te kalaja anu Kubau kalana sanggo nu Tuumang-Ku, mompobukuti' mongkona Aku.

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 2:23

Hau-haunyo i Yesus kiijo' i Yerusalem tempo'nyo Molame'akon Paskah, da'isan na mian pinalesaya hi Ia kalana nombaumo anu okabangangi.

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 9:7

“Lako'mo baso'i na ohupum i Talaga Siloam.” (Siloam alati'nyo, ‘Sinai’.) Sahingga mian aijo' inamba nompi ohupi ohupnyo. Salatan ia ninsusule'mo mae, ia noko alamo nontoa.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.