MATIUS 11:3 - KITAB NU TUMPU ALLA LELE MA'IMAI'

³ “Kitamo Tuuma na mian anu tokamo mae, susumo koonyo nu janji' nu Tumpu, kabai tionyo kami montanda'i mian sangga'at?”

MATIUS 11:3 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 118:26

Balakatiakon mae na ia anu toka mae momboa mae sanggo nu Tumpu, obalakatimo mami na belemiu nu balakat anu lengkat mae i Laigan nu Tumpu.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

NOMBILANGMO 24:17

Tinoangkumo na ia panyo misa' uuka aiya; tinanggalakonkumo na ia panyo aku aiya mae majo'on. Samian na tomundo lengkat mae hi aha Israel, saidi' mae toka sumo mandala' anu manjingka hondo. To pola-polaya' nu Moab saidi' mae Nu pateimo bansa Set saidi' mae Nu hopu'imo.

MATIUS 11:10

Kalana i Yohanes aijo'mo na anu kokoonyo nu ayat nu Kitab nu Tumpu aiya, ‘Aiyamo na posaihon-Ku, koonyo nu Tumpu, Aku nonsai ia namba i moona Belento imihije da ia mombau kajalanan nu Belento.’

MATIUS 11:4

I Yesus nontaami, “Pinsusule' hi Yohanes ka' opoto'iakon apaa na anu i hongomo miu ka' tinoamo;

MATIUS 21:5

“Taeakon hi Sion, Tomundo'um tinokamo hi komiu. Ia madi' kotige-tige ka' sinumake' i sa'angu' na keledai, sa'angu' anak nu keledai anu daagi' ise'.”

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

MARKUS 11:9

To mia-mian anu lumajang mamba imoona ka' to mia-mian anu mombatuki lengkat i hiku iwi-iwi' molo-moloboo', “Puji'mo na Tumpu! Obalakatiakon na ia anu tinoka tiba sanggo nu Tumpu!

LUKAS 19:38

Aha noloboo'akon, “Balakatiakon na Tomundo anu tinokamo mae kalana sanggo nu Tumpu! Salamat i suluga', ka' o puji' na Tumpu Allah!”

YOHANES 11:27

“Tumpu,” tinaaman i Marta, “Ku palesaya, i Tumpu Anak nu Tumpu, Tomundo' anu Momposalamat anu saidi' mae toka i dunia aiya.”

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

YOHANES 16:14

Ia na mompopodaka' Aku, kalana apaa na anu Nu potoka hi komiu, tinalima-Nyo lengkat hi beleng-Ku.

YOHANES 4:21

“Palesayamo,” na koonyo i Yesus hi ia, “tokaje na tempo'nyo mian monsombah Tuuma, misa'mo i bungkutnyo aiya, ka' misa' mule' i Yerusalem.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 7:31

Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

IBRANI 10:37

Kalana i uno nu Kitab nu Tumpu tinulismo, “Madi'mo pin; Ia anu tokaje mae aijo', malia-lia'mo toka; Ia madi'mo montanda'i pipin pa'hipianje na Ia toka.