MATIUS 11:26 - KITAB NU TUMPU ALLA LELE MA'IMAI'

²⁶ Aijo'mo na anu momposanang kinyonyoa nu Tuuma.”

MATIUS 11:26 ပူးပေါင်းရင်းမြစ်များ

AYUB 33:13

Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

LUKAS 23:34

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

YOHANES 11:41

Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.

YOHANES 12:28

Tuuma popodaka' na sanggon-To!” Lantas i hongo na potatae lengkat i langit nontaloakon, “Pinopodaka'-Kumo, na sanggo-Nyo ka' po'ule'je Ku popodaka' na Ia.”

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

EFESUS 3:11

Tumpu nombau aijo' pokakana tiba tanga'an-Nyo anu madi' ko kamingkotannyo, sampe toka sidu-sidutu', anu binau-Nyomo nontului jalan hi Kristus Yesus Tumpunto.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.