MATIUS 11:23 - KITAB NU TUMPU ALLA LELE MA'IMAI'

²³ Ka' komiu, Kapernaum! Apaa komiu timbali opotangkas toka i suluga'? Madi'! Ola komiu o alin mokiijo' i naraka! Kalana ande-andenyo anu okabangangi binau atina' hi komiu, aijo' binaumo i Sodom, Sodom aijo' daagi' sampe tempo' uuka aiya?

MATIUS 11:23 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

YEHEZKIEL 26:20

Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 32:24

Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

OBAJA 1:4

Maumo beleyum nombaumo laigan nu beleyum sumomo ko tangkas nu peta nu tomonsi' bonyia' ka' mule' ko tangkasnyo sumomo to manda-mandala' ilangit, beleyum tionyo ahi' Ku tuamo mae.

MATIUS 10:15

O inau'! I Sinaa Kakiamatan, to mia-mian nu Kota' Sodom ka' Gomora lebe dengke na o ampuni nu Tumpu, ka' de mule' to mia-mian nu kota' aijo'!”

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

MATIUS 17:24

Tempo'nyo i Yesus ka' anu saja' mombatuki Ia tinoka i Kapernaum, anu saja' montage hasin Laigan nu Tumpu tinokamo hi Petrus ka' nompokilawa, “Gulu'um mombayan hasin Laigan nu Tumpu kabai madi'?”

MATIUS 4:13

Ia nompala'imo Nazaret, lantas jinojoongmo i Kapernaum i biwi nu Dowiwi Galilea i tano' nu Zebulon tiba Naftali.

MATIUS 8:5

Tempo'nyo i Yesus ninsoop i Kapernaum, samian na suludadu nu Roma tinokamo nonsingkaboti mae Ia, ka' nomoita tulung hi Ia.

LUKAS 10:15

Ka' komiu, Kapernaum! Otutugi miu, komiu o hangkatje tangka-tangkas toka i suluga'? Madi'! Panyo komiu o alinmo i nalaka!”

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

LUKAS 16:23

Mian kaya aijo' suele i nate ka' i lamun. I dunia nu mian mate aijo' sinansala hondo. Ka' tempo'nyo ia nontanggalakon aijo' mae nokiita' i bawo, tinoanyo na i Abraham i tampat majo'on, ka' i Lazarus i sohipi' i Abraham.

LUKAS 4:23

Lantas i Yesus notatae hi aha, “Tantu komiu mompake kantuang aiya hi beleng-Ku, ‘Dokoten posi opa'alin na butong-Um. Anu okabangangi i hongomo mami binauum i Kapernaum, soba baumo i posi kampung-Um.’ ”

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

SISIKON NU TO RASUL-RASUL 2:31

ia monsumbu' suele apaa na nubau nu Tumpu. Jadi ia nompoto'imo apaa na anu timbali tukoonyo Tomundo anu Momposalamat anu jinanji'mo nu Tumpu, po'ule'je tumuu' lengkat i kapateannyo. I Daud notatae, ‘Ia madi' ola opojohok jojoong i uno nu dunia to mia-mian mate; butong-Nyo madi' timbali magalis ka' mingkot.’

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.

ANU PINOTO'I HI YOHANES 20:13

Lantas ambai nombee'mo to mia-mian anu sinilakamo, anu kiijo' i unonyo. Kapatean ka' Dunia Kapatean suele nombee'mo to mia-mian anu sinilakamo anu daagi' kiijo' hi ia. Ka' mian haha aijo' anu sinilakamo iwi-iwi' pinokonanmo hukuman anu sinitimbangmo tiba anu binaumo nu aha.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.