MATIUS 11:22 - KITAB NU TUMPU ALLA LELE MA'IMAI'

²² Inau'mo tempo' Sinaa Kiamat, sahanyo to mia-mian nu Tirus ka' Sidon na lebe dengke na o ampuni nu Tumpu ka' de mule' komiu!

MATIUS 11:22 ပူးပေါင်းရင်းမြစ်များ

YEREMIA 27:3

Ia mule' ahi' nompalentahmo mae aku da mompoto'i potuunon-Nyo hi aha tomundo' nu Edom, Moab, Amon, Tirus, tiba Sidon, han aijo' pinoto'inyo hi mian haha aijo' anu sinai mae nu aha titinokamo i Yerusalem mamba mae molenga i Tomundo' Zedekia.

YEHEZKIEL 29:18

“O manusia anu madi' tumuu' batu, i Tomundo' Nebukadnezar lengkat mae i Babel montumbuhimo Tirus. Ia nompalentahmo to sulu-suludadu nonsimbu boaon anu toto boa-boat sahingga ubak nu aha ilongkungmo ka' mule' bekoang nu aha tinonggoisi'mo, panyo maumo itomundo' ka' mule' maumo suludadunyo madi' ahi' kino apa-apa anu i humpak nu aha maumo ahi' aha nalawemo susumo aijo'.

YOËL 3:4

Oposiamo nu belemiu na Aku aiya o Tirus, Sidon ka' iwi-iwi' na daerah nu Filistin? Pa' kahanda'mo na belemiu mombalosakon apa-apaa na anu binaung-Kumo hi belemiu? Soba alamo na bau pombalosing-Ku anu malia'mo mae toka aiya.

MATIUS 10:15

O inau'! I Sinaa Kakiamatan, to mia-mian nu Kota' Sodom ka' Gomora lebe dengke na o ampuni nu Tumpu, ka' de mule' to mia-mian nu kota' aijo'!”

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

MATIUS 11:24

Inau'mo, Sinaa nu Kiamat sahanyo mian nu Sodom na lebe dengke na o ampuni nu Tumpu, ka' de mule' komiu!”

MATIUS 12:36

Jadi, o inau': I Sinaa nu Kiamat, toto samian tionyo nu akui apaa na anu tinaloakonnyomo anu madi' ko gunanyo.

LUKAS 10:14

Sinaa nu Kakiamatan, to mia-mian nu Tirus tiba Sidon lebe dengke na o ampuni nu Tumpu, panyo komiu madi' dengke na o ampuni.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.