MATIUS 11:18 - KITAB NU TUMPU ALLA LELE MA'IMAI'

¹⁸ I Yohanes tinoka – ia bapuasa' ka' madi' monginum anggur; ka' to mia-mian notatae, ‘Ia sinoku'onmo nu setan!’

MATIUS 11:18 ပူးပေါင်းရင်းမြစ်များ

2 TOMU-TOMUNDO' 9:11

I Yehu ninsusule'mo hi to sanga-sangalunyo lantas pinokilawamo nu aha, “Lele apaa? Mian anu ulawon aijo', apaa na anu nu kahanda'i hi belento?” “Ha' sinumbu'mo nu belemiu,” na koonyo i Yehu.

YEREMIA 15:17

Aku madi' suele balasana-sanang tiba to mia-mian anu sinihukmo lewa kumojo. Kalana montuluti Belento sahingga aku nanintademo kalana mongoa'i pusa.

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 11:17

‘Kami mompahaikakon nyanyian anu lame' hi komiu, panyo komiu madi' mongka'oho' mosolindaya! Kami monyanyiakon nyanyian nu tomate, komiu madi' mongka'oho' humaang!’

MATIUS 3:4

I Yohanes nompake baju' bulu nu unta. Pombutu'nyo kilit na binau, ka' kaanonnyo kihi-kihi' ka' juu' nu uani'.

MATIUS 9:34

Panyo to mia-mian Farisi notatae, “Kapala nu roh ma'idek aijo' na nombee'i Ia kuasa da molaa' to roh-roh ma'idek aijo'.”

MARKUS 3:22

To gulu-gulu' agama anu tinoka lengkat mae i Yerusalem notatae, “Ia sinoku'onmo nu Beelzebul! Kapala nu to roh-roh ma'idek aijo' na anu nombee'i kuasa hi Ia, da timbali molaa' roh ma'idek.”

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

YOHANES 10:20

Da'isan na anu notatae, “Ia pininsoopanmo nu setan! Ia motutuang! Bau apaa na komiu mohongo Ia?”

YOHANES 7:20

Mian da'isan aijo' nontaami, “Beleyum motutuang! Ihe na kahanda'mo mompatei Beleyum?”

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

SISIKON NU TO RASUL-RASUL 26:24

Hau-haunyo i Paulus montutuhakon pompototu'u butongnyo aijo', i Festus nonsegaimo, “Beleyum notutuangmo Paulus! Ilimuu'um anu manjoo' atina' nompotimbalimo beleyum notutuang!”

1 KORINTUS 9:27

Kubee' na butongku opogulu' totu-totu'u, sahingga aku monsumbu' hondo-hondo. Kubau sumo aijo', kalana aku madi' mongka'oho' boli-boli salatan aku mongende mian sangga'at da mombatuki bakutanding pailomba aijo', yo aitu aku na madi' ahi' opobee' pailomba.