MATIUS 10:41 - KITAB NU TUMPU ALLA LELE MA'IMAI'

⁴¹ Mian anu montalima nabi, kalana ia nabi, tionyo mohumpak tamboo hi samian na nabi. Ka' ihe na montalima samian anu ma'ima' kalana ia ma'ima', tionyo mohumpak tamboo hi samian anu ma'ima'.

MATIUS 10:41 ပူးပေါင်းရင်းမြစ်များ

KAJADIAN 20:7

Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 25:44

Lantas aha notatae hi Ia, ‘Tumpu, naipian na kami nontoa Tumpu mo'ohop kabai megot, kabai sumo samian, mian nu salipu'an, kabai madi' ko baju', kabai masakit, kabai tinalungku', kami madi' nontulungi Kita Tumpu?’

MATIUS 25:45

Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

MATIUS 6:18

da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

MATIUS 7:8

Kalana mian anu momoita tionyo montalima; mian anu molio tionyo mohumpak; ka' mian anu mongkutetek tionyo o tuhea'akon na pontumban.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

ROMA 16:23

I Gayus nompakatu salan do'a hi komiu. Aku jinojoong i laigannyo tiba jama'at kami suele mogaleja i kiijo'. I Erastus, kapala nu anu mongulus doi kiijo' i kota, nompakatu salan do'anyo hi komiu. Sumo aitu mule' na Utusto i Kwartus. [

1 KORINTUS 9:17

Bisuannyo aku mompojalan kalaja aijo' ola posi kahanda'ku, tantu aku timbali montaha'imani da mohumpak tambo. Panyo aku mompolele Lele Ma'ima' aijo' ola ahi' kalana pinokaumo nu Tumpu Allah da mompojalan kalaja aijo'.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

2 YOHANES 1:8

Mokonyo aijo' obala'ingati, boli sampe talabakas na komiu hi apaa na anu ingusahakonmo mami bau bagi miu. Bala usaha da komiu mohumpakje tamboonyo iwi-iwi' lengkat mae hi Tumpu.