MATIUS 10:27 - KITAB NU TUMPU ALLA LELE MA'IMAI'

²⁷ Apaa na Kutaloakon hi beleyum i uno nu pintung tionyo o ulit miu ijingka de sinaamo. Ka' apaa na anu o oyongakon i bihingum, o sisikakon hi mian da'isan aijo' mana-manasa!

MATIUS 10:27 ပူးပေါင်းရင်းမြစ်များ

YESAYA 22:1

Sumo uuka na potuunon mongkona Bangka'nyo nu Pinontoan; O, belemiu mian nu Yerusalem, kadaka' belemiu noliba'mo nokiita' i atop nu laigan?

MATIUS 24:17

Mian anu kiita' i loteng nu laigan, bolimo mintau' mongala apa-apaa i uno nu laigan.

LUKAS 12:3

Anu otaloakon miu tempo'nyo malom, kahongoan sinaa; ka' anu o'oyongakon miu i bihing nu mian i uno nu salipi' tumba-tumban, obebakon iwi-iwi'.”

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 16:1

Iwi-iwi' aijo' Ku sisikakon hi komiu, da komiu boli tolo ule' i kapalesaya'an.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 16:25

“Iwi-iwi' aiya Ku taloakon hi beleyum nu ande-andeon. Panyo tokaje mae na tempo'nyo Aku madi'mo daagi' mompake ande-andeon, panyo osisikmo nasa-nasa hi beleyum mongkona Tuuma.

YOHANES 16:29

Lantas anu saja' mombatuki Yesus notatae hi Ia, “Uuka Tumpu basisik nu ponasamo, ka' madi'mo mombau ande-andeon,

SISIKON NU TO RASUL-RASUL 17:17

Mokonyo aijo' i laigan pogalejaan, i Paulus nompaha buka-buka pikilan tiba to mia-mian nu Yahudi ka' to mia-mian sangga'atannyo anu monsombah Tumpu i kiijo'. Sumo aitu mule' i to pasar-pasar toka nu sansina-sinaa ia mompaha buka-buka' pikilan tiba batu-batu mian anu i kiijo'.

SISIKON NU TO RASUL-RASUL 5:20

“Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

2 KORINTUS 3:12

Kalana kami montaha'imani anu susumo aijo', sahingga kami baani na motatae sumo aijo'.