MATIUS 10:22 - KITAB NU TUMPU ALLA LELE MA'IMAI'

²² Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

MATIUS 10:22 ပူးပေါင်းရင်းမြစ်များ

AMSAL 29:27

Mian anu manonong madi' mongka'ima'i mian anu ma'idek na kinyonyoanyo; mian anu ma'idek na kinyonyoanyo mongka'ideki mian anu manonong.

MATIUS 10:39

Mian anu mompagala mompotumuu' kantumuu'annyo tionyo mingkot na kantumuu'annyo, panyo mian anu mingkot na kantumuu'annyo kalana tulut hi beleng-Ku, tionyo mohumpak kantumuu'annyo.”

MATIUS 24:13

Panyo mian anu balatahan toka i mihinyo, timbali o posalamat.

MATIUS 24:9

Lapas aitu, komiu o hakop ka' o bee' da o sakisa ka' o patei. Songko-songko na dunia mongka'idekimo komiu, kalana komiu anu mombatuki Aku.

MATIUS 5:11

Bila-bilahi na komiu de o alu, o sakisa, o pitana'i kalana Aku.

MARKUS 13:13

Komiu nuka'ideki nu mian iwi-iwi', kalana komiu anu saja' mombatuki Aku. Panyo mian anu balatahan toka i mihinyo, oposalamat.”

LUKAS 21:17

Komiu saidi' mae nuka'ideki nu mian iwi-iwi', kalana komiu mombatuki Aku.

LUKAS 21:19

De komiu moko tahan ka' sabaan, komiu saidi' mae salamat.”

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 YOHANES 3:13

Kalana aijo', to Utu-utusku, boli bangang de to mia-mian nu dunia aiya mongka'ideki komiu.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:26

Aha anu inguntungmo, i uno nu kasabalan ka' anu sampe toka imihinyo na mombau apaa na anu Ku kahanda'i, Kubee'ije kuasa anu pokakana sumo anu i humpak-Kumo hi Tuumang-Ku. Aha montalimaje kakuasa'an hi beleng-Ku da mompalentah to bansa-bansa nu tokon besak, da bau pohopu'i to bansa-bansa aijo' sumo kuhon tano'.

ANU PINOTO'I HI YOHANES 2:3

Komiu sabaan, ka' komiu nongoa'imo sansala kalana Aku, ka' komiu madi' mongoa'i mompele-pele.

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.