MATIUS 10:2 - KITAB NU TUMPU ALLA LELE MA'IMAI'

² Sanggo nu sampulu' ka' ohua' na rasul aijo' atina'mo: momonanyo i Simon (anu osa sanggohi Petrus) tiba utusnyo i Andreas, lantas i Yakobus tiba utusnyo i Yohanes, aijo'mo to ana-anak i Zebedeus.

MATIUS 10:2 ပူးပေါင်းရင်းမြစ်များ

MATIUS 17:1

Ilapas anon sinaa, i Yesus nomboamo i Petrus ka' i Yakobus tiba utusnyo i Yohanes, ola posi aha na nokiijo' i sa'angu' na bungkutnyo anu matangkas.

MATIUS 20:20

Ilapas aitu, bengkele' i Zebedeus tinoka tiba to ana-anaknyo hi Yesus. I ahop hi Yesus, ia tinolodadupu ka' nompoita apa-apaa.

MATIUS 26:37

Lantas Ia nonsale'i Petrus ka' ua'aha na anak i Zebedeus mamba mohingga-hinggat tiba Ia. Ia nomulaimo nongoa'i nolibos ka' madi' sanang.

MATIUS 4:18

Tempo'nyo i Yesus hau-haunyo i lumajang i biwi nu bone' Dowiwi Galilea, Ia nontoa ua'aha na topo meka, aijo'mo i Simon (anu o sanggohi mule' i Petrus) tiba utusnyo ise' i Andreas. Aha hau-haunyo mompagala ikan i dowiwi aijo' nu buani'.

MATIUS 4:21

I Yesus i lumajang lau-laus, lantas nontoa mule' ua'aha na mian sangga'at anu moto utus, aijo'mo i Yakobus ka' i Yohanes, ana-anak i Zebedeus. Aha hingga-hinggat tiba tuuma nu aha hau-haunyo mompoko ima'i buani' i uno nu duangan. I Yesus mule' nolagamo aha,

MARKUS 1:29

I Yesus ka' anu saja' mombatuki Ia, nompala'imo laigan pogalejaan aijo', ka' namba i laigan i Simon ka' i Andreas. I Yakobus ka' i Yohanes namba suele ka' aha.

MARKUS 13:3

Lapas aitu i Yesus namba i Bungkut nu Zaitun, ka' sinumuhang i tampat anu mompaha ahop tiba Laigan nu Tumpu. Lantas i Petrus, i Yakobus, i Yohanes, ka' i Andreas tinoka hi Ia da basisik tiba Ia ola posi aha.

MARKUS 6:30

To rasul-rasul anu sinai i Yesus lapas aijo' ninsusule' mule', ka' binala gombu tiba i Yesus. Aha nompoto'i hi Ia, iwi-iwi' anu binaumo ka' ingajanakonmo nu aha.

LUKAS 11:49

Aijo' na sababnyo Kapandean nu Tumpu notatae, ‘Ku saije mamba hi aha na to nabi-nabi ka' to posa-posaihon-Ku; sambagian o patei ka' sambagian o sakisa!’

LUKAS 22:14

Salatan tinokamo na tempo'nyo mongkaan kaanon nu Paskah aijo', i Yesus sinumuhangmo hingga-hinggat tiba aha iwi-iwi' anu saja' mombatuki Ia i tampat palajamuan.

LUKAS 22:8

Jadi i Yesus nonsaimo i Petrus ka' i Yohanes, “Lako' posadia na anu okaanto i Paskah.”

LUKAS 5:10

Sumo aitumo mule' na to sanga-sangalu i Simon, aijo'mo i Yakobus ka' i Yohanes, to ana-anak i Zebedeus. I Yesus notatae hi Simon, “Boli mabuhuk! Mulai uuka, beleyum timbalimo pombuani' mian.”

LUKAS 9:10

To rasul-rasul i Yesus ninsusule'mo ka' nonsisikakon hi Yesus iwi-iwi' na anu binaumo nu aha. I Yesus nongendemo aha, lantas namba hingga-hinggat aha nanintade i kota Betsaida.

YOHANES 12:22

Atina' ka' i Filipus namba nompoto'i hi Andreas, ka' ilapas aitu ua-ua'aha nompotokakonmo hi Yesus.

YOHANES 13:23

Anu saja' mombatuki nunu kalibosi Yesus suha-suhang i sohipi' i Yesus.

YOHANES 20:2

Sahingga ia nopadeka' nolio i Simon Petrus ka' anu saja' mombatuki nunu kalibosi Yesus, ka' notatae hi aha, “Tumpu ingalamo aijo' mae i pinolamunan, madi' kusumbu' pa' iya na pinonguna'an-Nyo.”

YOHANES 21:2

Ko sansinaan i Simon Petrus, i Tomas anu osanggohi Hapi, i Natanael lengkat mae i Kana i tano' Galilea, ana-anak i Zebedeus, ka' ua'aha na anu saja' mombatuki Yesus sangga'at hau-haunyo sinilimu'mo.

YOHANES 21:20

Salatan i Petrus nosiloi, ia nontoa i hikunyo anu saja' mombatuki nunu kalibosi Yesus. (Iamo na anu sinumuhang oha-ohani Yesus tempo'nyo nongkaan, ka' anu nompokilawa hi Ia, “Ihe na saidi' mae monguwesani Tumpu?”)

YOHANES 21:24

Anu saja' mombatuki aijo' na mombee'i katalangan apaa na anu tinimbalimo aiya. Iamo ahi' na nontulis. Ka' osumbu'to saba' apaa na anu tinaloakonnyomo aijo' totu'u.

YOHANES 6:67

Lantas i Yesus nompokilawa hi sampulu' ka' ohua' na anu saja' mombatuki Ia, “Pa' komiu suele mompala'imo Aku?”

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

YOHANES 6:71

Anu nunu patui nu potatae i Yesus, aijo'mo i Yudas anak i Simon Iskariot. Kalana mau mule' i Yudas minsoop sala' samian anu sampulu' ka' ohua' na anu saja' mombatuki Yesus, ia na mongkabisa'i Yesus.

YOHANES 6:8

Daagi' ko samian anu saja' mombatuki Yesus sangga'at, aijo'mo i Andreas, utus i Simon Petrus, notatae,

SISIKON NU TO RASUL-RASUL 1:13

I Yerusalem aha namba i laigan i tampat kinasonsoo'an nu aha, lantas noliba' nokiita' i kaman anu i bawonyo. To Rasul-rasul aijo', aitumo i Petrus ka' i Yohanes, i Yakobus ka' i Andreas, i Filipus ka' i Tomas, i Bartolomeus ka' i Matius, i Yakobus anak i Alfeus, i Simon Patriot ka' i Yudas anak i Yakobus;

SISIKON NU TO RASUL-RASUL 1:26

Lapas aijo' ohua' na sanggo aijo' ingonde, lantas ondean nanabu' hi Matias. Jadi ia i hangkat tinimbali rasul da mosangalu tiba sampulu' ka' sa'angu' na rasul sangga'atannyo.

SISIKON NU TO RASUL-RASUL 12:2

Ia nompalentah i Yakobus, utus i Yohanes opatei nu bajak.

SISIKON NU TO RASUL-RASUL 3:1

Daagi' kino sansinaan i Petrus ka' i Yohanes namba i Laigan nu Tumpu jam totolu' ohanimo malom, tempo'nyomo nu balado'a.

1 KORINTUS 15:7

Lapas aijo' i Kristus nompotoa mule' suele butong-Nyo hi Yakobus, ka' ilapas aijo' hi iwi-iwi' na rasul.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 YOHANES 1:1

Toka hi Pontina'on anu pinile'anmo nu Tumpu, ka' toka hi to ana-anak nu Pontina'on. Sulat aiya lengkat mae hi belengku, polaya' nu jama'at anu totu-totu'u mongkanonongi komiu. Misa' ola aku, panyo iwi-iwi' na mian anu nonsumbu'mo Tumpu anu totu'u, suele ahi' mongkanonongi komiu.

3 YOHANES 1:1

Kita utus Gayus anu okanonongi! Aku, polaya' nu jama'at, anu totu-totu'u mongkalibosi beleyum,

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

ANU PINOTO'I HI YOHANES 22:8

Aku, i Yohanes nohongomo ka' nontoamo iwi-iwi' aiya. Salatan aku nohongomo ka' nontoamo, aku dinumaladupumo i ahop nu malaikat anu nompoto'imo iwi-iwi' aijo' hi belengku, ka' aku kahanda' monsombahmo ia,