MATIUS 10:18 - KITAB NU TUMPU ALLA LELE MA'IMAI'

¹⁸ Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:18 ပူးပေါင်းရင်းမြစ်များ

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

MATIUS 10:17

Balajaga-jaga kalana komiu o hakop ka' opopangadap hi to Mia-mian Kopian. Komiu tionyo o sakisa i to lai-laigan pogalejaan.

MATIUS 10:19

Panyo de komiu oboa da o putusi, boli bata-bata apaa na anu tionyo otaloakon miu aijo', kabai na anu tionyo o sisik miu toka i tempo'nyo.

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MARKUS 13:9

Komiu tionyo mombala'ingati, kalana komiu o hakop ka' o hela' mokiijo' hi anu momputusi hukuman. Komiu o boboti i to lai-laigan pogalejaan. Komiu oboa mangadap hi anu mongkuasai ka' hi to tomu-tomundo', kalana komiu anu saja' mombatuki Aku. Ka' aijo'mo na kasampatan hi komiu mombee'i katalangan mongkona Aku hi aha.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 11:7

Salatan lapasmo na aha mompolele lele nu aha, binatang anu nosabat lengkat mae i keles kapatean mongewamo aha.

ANU PINOTO'I HI YOHANES 6:9

Lapas aijo' Anak nu Domba aijo' nombeakmo segen anu ko olima'nyo. Sahingga aku nontoa i aluk nu mezbah daagi' ko santuu' nu to mia-mian anu i natemo pinatean kalana aha nompototu'umo potuunon anu lengkat mae hi Tumpu anu sinakisianmo nu aha.