MATIUS 10:16 - KITAB NU TUMPU ALLA LELE MA'IMAI'

¹⁶ “Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 10:16 ပူးပေါင်းရင်းမြစ်များ

KAJADIAN 3:1

Ulo binatang anu talalo hondo pande, nu lingkudui iwi-iwi' na binatang anu pinotimbalimo nu Tumpu Allah. Ulo aijo' nompokilawa hi boune aijo', “Pa' totu'u na Tumpu Allah nontewa'mo komiu mongkaan bua' nu kau' haha aijo' iwi-iwi' i taman aiya?”

KAJADIAN 3:13

Tumpu Allah nompokilawamo hi boune aijo', “Kadaka' binau'mo nu beleyum na aijo'?” Tinaamannyo, “Aku ingakalanmo nu ulo, sahingga kinaankumo na bua'nyo nu kau' aijo'.”

NEHEMIA 4:13

Kalana aitu pinaha bagi-bagiankumo bajak, talombo' ka' pana' hi mian da'isan, lantas pinokaungkumo nonjaga na aha, batu-batu aha sa'anakan i hiku nu pagan mesen, i tampat anu ma'isa jinadi na binau.

YEREMIA 40:16

Panyo tinaaman i Gedalya, “Boli! I Gedalya susumo kooyum itina' madi' totu'u!”

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

MATIUS 24:25

Jadi, o inau'! Aku mompoto'imo hi komiu i moonanyo ma'isa pe'e han aijo' jadi saidi' mae.

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

MATIUS 25:2

Aha olima' anu ponga', ka' anu olima' sangga'atannyo na pande.

MATIUS 25:4

Aha olima' na langkoyang anu pande nomboa pansona' ka' nontoukai lanya'.

MATIUS 25:9

‘Madi' timbali!’ tinaaman nu to ana-anak langkoyang anu pande aijo', ‘kalana dumo kita iwi-iwi' madi' sukup na lanya'. Lako'mo pongoli i toko.’

LUKAS 10:3

Yo, lako'mo! Aku monsai komiu sumo domba i totonga'nu serigala.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

SISIKON NU TO RASUL-RASUL 20:29

De Aku mambamo totu-totu'u tokaje' mae na to seri-serigala anu bahangihi moitina' hi komiu. Ka' to mia-mian anu ojagai miu aijo' timbalimo kaanon nu to seri-serigala haha aijo'.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 11:14

Madi'mo okatalanggangakon na aha mombau sumo aijo', kalana Ibilis pe'e mingadi-adi' sumo malaikat anu susi'!

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

2 KORINTUS 8:20

Obala'ingati mami hondo da boli ko mian anu mompisala'i kami salatan obee'mo na pontulungi anu sumo aiya na konjoo'nyo.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 4:5

I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TESALONIKA 5:22

Opatikojo'oni iwi-iwi' na ngangahan nu ka'idekan.