MATIUS 10:14 - KITAB NU TUMPU ALLA LELE MA'IMAI'

¹⁴ De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

MATIUS 10:14 ပူးပေါင်းရင်းမြစ်များ

NEHEMIA 5:13

Lapas aijo' binukankumo na salempang anu butu-butu' i kompongku lantas kinokabakonkumo ka' pinoto'ingkumo, “Sumo aiya na Tumpu Allah mongkobahakon batu-batu mian anu madi' mongganapi janji'nyo. Mian aijo' timbalimo loloison, laigan ka' iwi-iwi na halata'nyo nu alamo nu Tumpu Allah!” Iwi-iwi' na mian anu binalagombumo nontaami, “Totu-totu'umo na kinyonyoa mami!” Lantas nompuji'mo Tumpu. Jadi to pola-polaya' haha aijo' nongganapimo janji' nu aha.

MATIUS 10:13

De to mia-mian i laigan aijo' montalima komiu, bakas da salan do'a miu tataap hi aha. Panyo de aha madi' montalima komiu, po'ule' o ala na salan do'a miu aijo'.

MATIUS 18:5

Ka' mian anu montalima anak anu sumo aiya kalana Aku, bala alati' montalima Aku.”

MARKUS 6:11

Panyo de komiu toka i sa'angu' na tampat, ka' to mia-mian i kiijo' madi' mongka'oho' montalima ka' mohongo komiu, pala'imo na tampat aijo'. Ka' osapui na abu' i tengkeum salaku sa'angu' na tanda hi aha!”

MARKUS 9:37

“Mian anu montalima samian na anak sumo aiya kalana Aku, alati'nyo montalima Aku. Ka' mian anu montalima Aku, ia misa' ola montalima Aku, panyo montalima suele Ia anu nonsai Aku.”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

LUKAS 9:5

Ka' iyamae na komiu madi' otalima, de komiu mompala'imo kota aijo', sapuakon na abu' i pala nu tengkeum, salaku sa'angu' na tanda hi aha.”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

SISIKON NU TO RASUL-RASUL 13:51

Sahingga to rasul-rasul aijo' nonsapuimo abu' i tengke nu aha, i ahop nu to mia-mian aijo' bau tanda, lantas nambamo nokiijo' i Ikonium.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.