MATIUS 10:1 - KITAB NU TUMPU ALLA LELE MA'IMAI'

¹ Daagi' ko sansinaan i Yesus nolaga sampulu' ka' ohua' na mian anu saja' mombatuki Ia da sinilimu'. Lantas Ia nombee'i kuasa hi aha da molaa' to roh-roh ma'idek, ka' mompa'alin iwi-iwi' na panyakit, ka' iwi-iwi' na butong anu madi' sampa'.

MATIUS 10:1 ပူးပေါင်းရင်းမြစ်များ

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 26:20

Salatan pinihimo, i Yesus ka' sampulu' ka' ohua' na anu saja' mombatuki Ia suha-suhang mongkaan.

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MATIUS 9:35

Sumo aijo' na i Yesus namba nonsongkohi sa'angu' na kota, namba i kota sangga'at, ka' lengkat mae i sa'angu' na kampung namba i kampung sangga'at. Ia nongajan i to lai-laigan pogalejaan, ka' noleleakon Lele Ma'ima' mongkona mosia na Tumpu Allah mompalentah sumo Tomundo'. Ia nompa'alin to mia-mian anu mongepe iwi-iwi' na ngahan nu panyakit, ka' anu madi' sampa' na butongnyo.

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

LUKAS 6:13

Salatan sinaa majingkamo, ilaganyomo na anu saja' mombatuki Ia, ka' nompile'i sampulu' ohua' na mian anu kiijo' hi aha, sinanggohannyo na aha anu sampulu' ka' ohua' aijo' to rasul-rasul. Aha aitumo:

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 3:27

I Yohanes nontaami, “Mian madi' moko ala montumpui apa-apaa, de madi' nubee' nu Tumpu hi ia.

YOHANES 3:35

Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 19:15

Panyo roh nu setan aijo' notatae hi aha, “Ku sumbu' na i Yesus ka' i Paulus suele ku sumbu', panyo komiu aiya ihe?”

ANU PINOTO'I HI YOHANES 12:1

Lantas tinoa i langit na apa-apaa anu okabangangi ka' anu opalias hondo. Samian na boune anu nompusokmo batu nu sinaa salaku baju'nyo, hau-haunyo tinjo-tinjo aita' i bitu'on. I ubaknyo daagi' ko sa'angu' na makota, sampulu' ka' ohua' na mandala' na binau.