MATIUS 1:20 - KITAB NU TUMPU ALLA LELE MA'IMAI'

²⁰ Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

MATIUS 1:20 ပူးပေါင်းရင်းမြစ်များ

KAJADIAN 31:11

Ka' Tumpu Allah nimbalu-balu' sumo malaekat binasisikmo tiba aku i uno nu ipion aijo'. Ia notatae, 'Yakub!' Tinaamanku, 'Apaa'.

KAJADIAN 46:3

Ia notatae, “Aku Tumpu Allah, Tumpu Allah anu nunu sombah nu tuuma nu beleyum. Boli mabuhuk na mamba mokiijo' i Mesir. Ku potimbalije na lee' nu beleyum bansa anu daka' ikiijo' mae.

1 TOMU-TOMUNDO' 17:13

Boli bata-bata, “Pontina'on!” na koonyo i Elia hi ia, “Baumo Pontina'on na anu o kaan bau bagi nu belento Pontina'on ka' mule' bau bagi nu anak nu belento Pontina'on. Panyo' anu momonanyo pe'e obaui aku, sa'angu' na roti ise-ise', te labu ka' lanya' ititina' na obau ka' boa mae hi belengku.

1 TOMU-TOMUNDO' 3:5

Pihi-pihi aitu Tumpu nanintoamo mule' hi ia i uno nu ipion ka' notatae, “O Salomo, poita mae pa'apa na anu nu ka'ima'i, aijo' da Ku bee'mo hi beleyum!”

MAZMUR 119:125

Aku posaihon nu Belento, popangalati' mae na aku da ku sumbu' na palentah nu Belento.

MAZMUR 143:8

De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

MAZMUR 94:19

De kinyonyoangku bata-batamo ka' mangada'mo Belentomo na mohase' mae ka' mompolame' aku.

AMSAL 12:5

Mian anu madi' tageo' na kinyonyoanyo saja' mompokilawa hahan anu ma'ima'; panyo mian anu ma'idek na kinyonyoanyo saja' montanga'i mosia na mongakali.

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

YEREMIA 40:9

I Gedalya notataemo hi aha, “Belemiu madi' palalu mabuhuk ka' ta'aluk hi aha mian nu Babel. Jojoongmo ilipu'to aiya, ka' timbalimo ahi' botuan i tomundo' Babel. Ku taha'imani belemiu saidi' mae jadi' ma'ima'.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

MATIUS 1:18

Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu.

MATIUS 2:12

Tumpu nompokinde'i hi aha i uno nu ipion da boli minsusule' hi Herodes. Jadi aha ninsusule'mo nontului jalan sangga'atan.

MATIUS 2:13

Salatan to pande-pande anu monsumbu' mandala' aijo' i nambamo, Malaikat nu Tumpu nanintoamo hi Yusuf i uno nu ipion. Malaikat aijo' notatae, “I Herodes ko kahanda' molio Anak aijo' da o patei na Ia. Kalana aijo' bulamo, boa na Anak aijo' tiba tina-Nyo malai nokiijo' i Mesir. Jojoong i kiijo' mae sampe-Ku poto'ije mule' hi beleyum.”

MATIUS 2:19

Noko sinilaka na i Herodes, tempo'nyo i Yusuf daagi' i Mesir samian na malaikat nu Tumpu nanintoa mule' hi Yusuf i uno nu ipion.

MATIUS 2:22

Panyo lapas i Yusuf nohongo saba' i Arkelaus, anak mo'ane i Herodes nombolosakonmo tuumanyo tinimbali tomundo i tano' Yudea. Jadi i Yusuf nabuhukmo namba nokiijo'. Salatan ia nompaka humpakmo pokinde' nu Tumpu i uno nu ipion, ia nambamo nokiijo' i tano' nu Galilea.

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

MATIUS 28:5

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'.

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 2:4

I Yusuf mule' namba lengkat i Nazaret i Galilea, namba i Betlehem i Yudea, tampat kinahampean i Tomundo Daud; kalana i Yusuf lee' i Daud.

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

ANU PINOTO'I HI YOHANES 19:7

Imbo' da kita balame-lame' ka' bilahi; imbo'mo da kita mompuji' katalasanggoan-Nyo! Kalana tinokamo i sinaa ponika'an anu montoongi sanggo Anak nu Domba aijo', ka' boting-Nyo sinadiamo da oponika'mo.

TO MIA-MIAN KOPIAN 13:3

Panyo daagi' kinosansinaan malaekat nu Tumpu nanintoamo hi ia ka' notatae, “Sumo uukamo na kinopinnyo beleyum madi' nohumpak anak mo'ane.