MATIUS 1:19 - KITAB NU TUMPU ALLA LELE MA'IMAI'

¹⁹ I Yusuf, dohoinyo aijo', samian anu saja' mohongo-hongo atulan nu agama. Jadi ia mongka'oho' mongga'atakon dohoinyo aijo', panyo nu pohowini, da i Maria madi' ma'ambang i mian da'isan.

MATIUS 1:19 ပူးပေါင်းရင်းမြစ်များ

KAJADIAN 38:24

Kila-kila tinotolu'mo na bitu'on lapas aijo', i Yehuda nohumpakmo lele saba' i Tamar moniannyo tinimbalimo lonte ka' i pinoboamo. Lantas i Yehuda nompalentahkonmo, “Ala na ia ka' papui sampe mate!”

KAJADIAN 6:9

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

IMAMAT 19:20

De samian na mo'ane balajanji', ia mompobalukmo botuannyo boune hi mo'ane sangga'at da bau ambahue'nyo ka' mian anu mongoli aijo' ma'isa nombayan, lantas tumpunyo anu momona mompaninduhusimo botuan aijo' ua-ua'aha tionyo ahi' o hukum, panyo madi' timbali o hukum mate, kalana mau mule' mosiamo boune aijo' daagi' botuannyo.

IMAMAT 20:10

De samian na aha Israel masala' tiba bengkele' nu mian anu bubuu' bansa nu aha, ia ka' boune aijo' tionyo ahi' o hukum mate.

MARKUS 10:4

“I Musa nompoloas mian mongga'atakon bengkele'nyo, asan montulis sulat poga'atan pe'e,” tinaaman nu aha.

MARKUS 6:20

Kalana i Herodes nonsaimo mian monjagai ima-ima' kasalamatan i Yohanes i talungku', kalana ia mabuhuk hi Yohanes. Ia monsumbu' i Yohanes samian na anu ma'ima' anu sinai mae nu Tumpu. Ka' memang totu'u de i Yohanes motatae, i Herodes mongka'ima'i mompotombihing mau mule' kinyonyoanyo madi' sanang hondo kalana hi ia.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 27:39

Tempo'nyo sinaa nalianamo, anu mokalaja i kapan nontoamo katano'an aitu, panyo aha madi' monsumbu' katano'an nu apaa na aijo'. Aha nontoa sa'angu' na luoknyo ka' biwi nu bone'. Jadi aha ko kahanda' mompo'ohani kapan i kiijo' de opoko ala.

2 KORINTUS 1:15

Kalana kapalesaya'an aijo', sahingga aku salatanmo pe'e imoonanyo nontanga'imo mamba montoa komiu da komiu mohumpak balakat pinduan lipat.

PO'ULE' INGULIT 22:20

Panyo de sangka'annyo aijo' memang totu'u, ka' madi' ko pontoan tanda saba' bengkele'nyo aijo' ma'isa toho' noduhus tiba mo'ane sangga'at ma'isa pe'e aha aijo' no'osoa,