MATIUS 1:1 - KITAB NU TUMPU ALLA LELE MA'IMAI'

¹ Aiyamo na daputan nu mompolee' i Yesus Kristus, tulunan i Daud, tulunan i Abraham. Lengkat mae hi Abraham tinoka hi Daud, sanggo-sanggo nu mompolee' i Yesus Kristus sumo uuka:

MATIUS 1:1 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 2:4

Sumo aijo' na sisikonnyo nompotimbali dunia ka' iwi-iwi' na isinyo. Tempo'nyo Tumpu Allah nompotimbali songko-songko na dunia,

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 5:1

Aiyamo na daputan nu lee' i Adam. (Tempo'nyo aitu Tumpu Allah nompotimbalimo manusia, binau-Nyomo na aha susumo Tumpu Allah.

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 89:3

Kalana ku sumbu' na kalibosan nu Belento sampe toka sidu-sidutu', kanonongan nu Belento mahoson hondo susumo langit.

MAZMUR 89:36

Ola minsan na aku binasumpa' panyo nukonamo sampe toka sidu-sidutu' i uno nu sanggong-Ku anu susi'; aku madi'mo ahi' mombaleko'i i Daud.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

MATIUS 1:18

Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu.

MATIUS 1:2

i Abraham, i Ishak, i Yakub, i Yehuda tiba to utu-utusnyo, i Peres tiba i Zerah (tina nu aha sanggonyo i Tamar), i Hezron, i Ram, i Aminadab, i Nahason, i Salmon, i Boas (tinanyo aijo'mo i Rahab), i Obed (tinanyo aijo'mo i Rut), i Isai, ka' i Tomundo Daud.

MATIUS 15:22

Samian na boune nu Kana'an lengkat mae i da'erah aijo', tinoka hi Yesus ka' nolo-noloboo', “Anak i Daud, kalibosi na aku! Anakku boune pininsoopanmo nu roh ma'idek. Ka'ada'annyo masakit hondo.”

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

MATIUS 9:27

I Yesus namba lengkat i kiijo', ka' i totonga' nu jalan ua'aha na mian mapisok nombatukimo Ia. Aha noloboo', “O Anak i Daud, kalibosi mae na kami!”

LUKAS 1:33

Ka' Ia mompalentah sumo tomundo i katulunan Yakub sidu-sidutu'. Kalaja-Nyo madi' ko kamingkotannyo.”

YOHANES 7:42

I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

ROMA 1:3

Lele Ma'ima' aijo' mongkona Anak nu Tumpu, Tumpunto i Yesus Kristus. Salaku Ia mian, Ia aijo' lee' mae i Daud,

ROMA 4:13

Tumpu binajanji' hi Abraham tiba anu ilee'akonnyo, tukoonyo dunia aiya i Abraham na tumpunyo. Tumpu binajanji' sumo aijo' misa' kalana i Abraham tulu-tulutan i atulan nu agama Yahudi, panyo kalana ia palesaya hi Tumpu, sahingga Ia tinalima nu Tumpu salaku mian anu momposanang kinyonyoa-Nyo.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

GALATIA 3:16

Anu jinanji' nu Tumpu, binau nu Tumpu kona hi Abraham ka' kona hi mian lee' i Abraham. I uno nu Kitab nu Tumpu Allah madi' tinulis “ka' tona hi to mia-mian lee' i Abraham”, anu alati'nyo manjoo' na mian. Anu tinulis i kiijo' ola “ka' toka hi mian lee' nu beleyum”, alati'nyo ola sami-samiannyomo atina'mo i Kristus.

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

2 TIMOTIUS 2:8

O inau' na aiya: Lele Ma'ima' anu kupolele aijo', atina'mo na lele mongkona i Yesus Kristus, lee' i Daud; Iamo na i Kristus anu sinilaka po'ule'mo pinotumuu'.

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”