MARKUS 9:3 - KITAB NU TUMPU ALLA LELE MA'IMAI'

³ Pakean-Nyo tinimbalimo nopute' ka' binakongkilap. Madi' ko samian na anu saja' mombaso'i hude i dunia aiya anu moko ala mombaso'i sumo ko pute'nyo aijo'.

MARKUS 9:3 ပူးပေါင်းရင်းမြစ်များ

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

DANIEL 7:9

Hau-haunyo aku saja' montonto'i to pia-piangkuka na kadela nu tomundo' pinokokomo. Lantas Ia anu tumuu' sampe toka sidu-sidutu' sinumuhangmo i sala' sa'angu'na kadela nu tomundo' aijo'. Baju'-Nyo ka' bulu nu ubak-Nyo pute' ka' belesi' hondo sumomo ahi' kabu-kabung. Kadela-Nyo aijo' ko loda-lodanyo singkap moak kalana nusuhap nu apu,

MATIUS 28:3

Ohupnyo nu Malaikat aijo' sumo kilat ka' pakeannyo pute' hondo.

MARKUS 9:4

Lapas aijo' aha totolu' na mian anu saja' mombatuki Ia aijo' nontoa i Yesus basisik tiba i Elia ka' i Musa.

LUKAS 9:29

Hau-haunyo i Yesus balado'a i kiijo', ohup-Nyo sinangalasanmo tiba baju'-Nyo nopute'mo lonyi-lonyingkaban.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

ANU PINOTO'I HI YOHANES 19:18

Imbo'mo da mongkaan antoknyo nu to tomu-tomundo, antoknyo nu to kapa-kapala nu suludadu anu matangkas na pangkatnyo, ka' antoknyo nu to sulu-suludadu anu baani; imbo'mo da mongkaanmo antoknyo nu to mia-mian anu monsake'i ajahan, tiba antoknyo nu to aja-ajahannyo ka' antoknyo nu iwi-iwi' mian, anu daka' ka' anu ise', posaihon ka' mian anu bebas!”

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.